Managsoong Lalaki Kinsa Mipasanag sa Kalibutan

Hi! Kami si Hubert ug Jayden. Nagpuyo kami sa nasud nga gitawag og Ghana. Ang among siyudad, Accra, duol sa Dagat sa Atlantika. Duna usab kini maanindot nga templo!

Jayden: Usa ka Kanta sa Pasko

Ang akong klase sa eskwelahan dunay dula sa pagkatawo [ni Jesus], ug ako ang mitukar sa piano sa tibuok nga programa. Gitudloan nako ang tanan sa pagkanta sa “O Holy Night.”

Jayden: Mitudlo sa mga Kasilinganan

Gusto kong motudlo sa akong mga silingan kon magdula kami tungod kay gusto kong moserbisyo kanila. Sa Mateo 5:16, mitudlo si Jesus nga ipadan-ag ang atong kahayag. Kon mobuhat ko niini, mobati ko og kalipay.

Hubert: Mitabang sa mga Gigutom

Atol sa break time sa eskwelahan, makakita ko og mga tawo nga gigutom ug walay makaon. Ipaambit nako ang akong bawon ug tabangan silang mobati og mas maayo. Human makapaambit, mobati ko og kalipay.

Hubert: Mopatukar sa Organ

Sa simbahan ako ang motukar sa organ para sa mga miyembro nga mokanta. Sa akong paghimo niini, mobati ko og kalipay.

Atong Pasanagon ang Kalibutan

Diha sa mga kasulatan nag-ingon nga si Jesus mao ang Kahayag ug Kinabuhi sa kalibutan. Mao nga atong pasanagon ang kalibutan!

Salamat sa Pagpadala sa Imong mga Bitoon sa Liahona!

Niining tuiga imong gipuno ang among kalangitan og liboan ka mga bitoon ug mga sugilanon mahitungod sa mapinanggaon nimong pagserbisyo. Sa pagkatinuod imong gipadan-ag ang imong kahayag!