Naʻe Akonaki ʻa Sīsū fekauʻaki mo e Lotú

ʻĪmisi

Jesus Taught about Prayer 1

ʻĪmisi

Jesus Taught about Prayer 2

ʻĪmisi

Jesus Taught about Prayer 3

Naʻe akonaki ʻa Sīsū ʻi ha moʻunga ofi ki tahi. Naʻá Ne akonaki fekauʻaki mo e angaʻofá. Naʻá Ne akonaki fekauʻaki mo e hoko ko ha faʻifaʻitakiʻanga leleí. Naʻá Ne akonaki foki fekauʻaki mo e lotú.

Naʻe akoʻi ʻe Sīsū ʻoku totonu ke tau talanoa ki he Tamai Hēvaní ʻi he lotú.

Te tau lava ʻo fakamālō ki he ʻOtuá koeʻuhí ko e meʻa ʻoku tau maʻú. Te tau lava ʻo kole kiate Ia e meʻa ʻoku tau fie maʻú.

Te tau lava ʻo lotu ke fakamolemoleʻi e niʻihi kehé. Te tau lava ʻo kole ki he ʻOtuá ke Ne fakamolemoleʻi kitautolu. Te tau lava ʻo lotu ke tau fai e ngaahi fili ʻoku leleí.

Te u lava ʻo hangē ko Sīsuú. Te u lava ʻo lotu ki he Tamai Hēvaní he ʻaho kotoa pē. ●