Siʻi Ngaahi Mātuʻa

Ko e laukongá ko ha taukei mahuʻinga ia ʻe lava ke ne ʻomi ha ngaahi faingamālie lahi. Ko ha ngaahi fakakaukau ʻeni ki hono fakaʻaongaʻi ʻo e Kaumeʻá ke tokoni ki he niʻihi kehé ke nau poto he laukongá.

• Fakaʻaongaʻi e ʻū fakatātaá. Kole ki hoʻo tamá ke ne fakamatalaʻi e meʻa ʻokú ne sio ki aí pea fekumi ki he konga ko ia ʻo e talanoá lolotonga ʻenau laú pe fanongó.

• Lau leʻolahi e ngaahi talanoá pea fekau e fānaú ke nau tuhu ki he meʻa te ke laú pea nau muimui ki ai.

• ʻI he taimi te nau sio ai ki ha foʻi lea foʻou, fakamatalaʻi hono ʻuhingá pea tuku ke nau hiki ia ke nau toki akoako ʻamui.

• ʻEke ha ngaahi fehuʻi fekauʻaki mo e talanoá ke tokoni ke mahino kiate kinautolu. “Ko e hā e ongo ʻa Lusi he taimi ní?” “Ko e hā naʻe akoʻi ʻe Sīsū fekauʻaki mo e lotú?” “ʻOkú ke pehē ko e hā e meʻa ʻe hokó?”

• Ka hili pē haʻo lau ha foʻi talanoa, aleaʻi ia. Kole ki hoʻo tamá ke ne talaatu e meʻa naʻe hokó. Ko e hā ne nau akó? Ko e hā naʻe saiʻia aí?

Te mau fiefia ke fanongo ki hoʻomou ngaahi fakakaukau fekauʻaki mo hono fakaʻaongaʻi e ngaahi talanoa ko ení ke akoʻi e niʻihi kehé!

New Friend section

50 E. North Temple St., room 2393

Salt Lake City, UT 84150 USA

[e-mail]

ʻI he ʻofa lahi atu,

Ko e Kaumeʻá