Lahi e Ngaahi Founga ke Lea “ʻOfa Atu”

Fai ʻe Tiffany M. Leary

ʻOku lahi e ngaahi founga ke tau pehē ai “ʻofa atu” ki hotau fāmilí mo e kaungāmeʻá! Vaʻinga fakakulupu ʻi he foʻi vaʻinga ko ʻení. Fakaʻaongaʻi ha ngaahi foʻi fakamaʻu pe makamaka ke fakaʻilongaʻi ʻaki e tuʻuʻangá. Luluʻi ha foʻi taisi, ʻunuki e fakaʻilongá ki he lahi e mataʻifika he taisí pea fai e ngāue ʻi he kiʻi puha ʻokú ke ngata aí. ●

Fāʻofua ki ha taha.
Lea ʻaki e “ʻOfa atu.”
Talanoa ki ha taimi ne fakahaaʻi atu ai ʻe ha taha ʻa e ʻofá.
Tala ha meʻa kuó ke fai ke fakahaaʻi e ʻofá.
Lau e Sione 3:16.
Hivaʻi e “Naʻe ʻOfa Pehē ʻa e ʻOtuá” (Ngaahi Himí, fika 106).
Tala ha meʻa ʻe taha te ke fai he uiké ni ke fakahaaʻi e ʻofá.
Tala ha founga ʻe taha ʻokú ke ʻilo ai ʻoku ʻofa ʻa Sīsū ʻiate koe.
Talaange ki ha taha ʻa e meʻa ʻokú ke saiʻia taha ai ʻiate kinautolú.
Tala ha founga ʻe taha ʻokú ke ʻiloʻi ai ʻoku ʻofa e Tamai Hēvaní ʻiate koe.
Lau e Sione 13:34.
Malimali ki ha taha.
Lau e Maʻake 12:29–31.
Hivaʻi e “Ke Mou Feʻofaʻakí” (Ngaahi Himi, fika 200).
Tā ha ngaahi foʻi haati ki he lahi taha te ke lavá ʻi ha sekoni ʻe 10.
Fai ha kiʻi tohi lelei ki ha taha ʻokú ke ʻofa ai.
Tā ha fakatātā maʻa ha taha.
Fakafuo ʻaki ho ongo laʻinimá ha foʻi haati.
Tā nima (high five) mo ha taha.
Hivaʻi e “Ko e ʻOfa ʻa e Fakamoʻuí,” (Ngaahi Himí, fika 56).
Lea ʻaki e “ʻOfa atu.”
Fai ha fakahīkihiki.
Fakafuo ʻaki ho ongo nimá ha foʻi haati.