Bwebwenato ko an Ijo Jokwe ie
Mijenede ro Rej Lo̧mo̧o̧ren Emān Armej ilo Kiribati
Ālikin an juon kaar okjak ilo dān ettoon, rijipan̄ ro redik raar itōm jipan̄.
Ruo mijenede ro jān Kabun̄ eo an Jisōs Kraist im Armej Ro Rekwōjarjar ilo Raan-ko Āliktata rej kab lo̧mo̧o̧ren emān em̧m̧aan ro ļaanwōtwōt me kaar eo waer ear itaak im jorāān ilo dān ilo aelōn̄ in Kiribati.
Elder Ulas im Elder Patane, ke erro ar jim̧or jerbal ilo Marshall Islands/Kiribati mijen, raar ettōr kōn bajkōļ ko aer ioon juon iaļ ioon aelōn̄ in Tarawa ke raar lo juon kaar me em̧ōkaj an ettōrtok n̄an er.
Mijenede ro raar bōjrak im alwōj an wa eo epaaktok, ke ejidimkij an jeor jān iaļ eo, okjak innām bōjrak, jimmatan wa eo ium̧win dān eo.
Āinwōt am̧ lo ilo pija eo me ej pād ippān bwebwenato in, jikin an armej jijet ilowaan wa eo enan̄in kar obrak kōn dān.
Mijenede ro ruo raar kajju ettōrļo̧k n̄an wa eo me ear tulo̧k ilo dān eo im Elder Ulas ear delo̧n̄e ļwe eo ke elder eo m̧ōttan, Elder Patane, ear pād ioon āneo n̄an an ko̧le juon ambulance.
Juon iaan kōjām ko itulikin wa eo ear jorāān ak juon iaan kōjām ko im̧aan ear maron̄ in peļļo̧k im Elder Ulas ear nōōre ļōmaraņ jān wa eo, juon ilo̧k juon, n̄an āne emōrā. Ilo ien eo ļeo kein kāāmen, ri-kattōr wa eo, kar kadiwōj tok jen wa eo, em̧ōj an ļōmaraņ jilu ko jān ijo. Ijoke, ri-kattōr wa ear jorrāān im bōtōktōk.
Em̧ōkaj an kōm̧m̧ane, Elder Ulas ear kōjerbal juon m̧ōttan kilaaj in wa eo n̄an m̧wijiti m̧ōttan back-pack eo an im kōm̧m̧an juon tourniquet n̄an kōbōjrak to̧o̧rļo̧k in bōtōktōk eo.
Ālikin elōn̄ ko̧l ko im juon iien kōttar eaitok, juon ambulance ear tōpartok er in jipan̄.
Rikattōr wa eo ear kam̧m̧oolol mijenede ro kōn aer peran im jouj im ear ba bwe ro uwaan Kabun̄ eo an Jisōs Kraist im Armej Ro Rekwōjarjar ilo Raan-ko Āliktata rej “lukkuun mour ekkar n̄an men ko rej ba.”