Te mau ’api nō Pātifita
Tāvini i te mau vahine taratoni tei ro’ohia te ma’i mariri ’aita’ata
’Aita i maoro a’enei, ’ua hōro’a te ho’ē pupu vahine nō Te ’Ēkālesia a Iesu Mesia i te Feiā Mo’a i te mau Mahana Hope’a nei i te tahi mau tūru’a hōho’a māfatu i te Tā’atira’a ma’i mariri ’aita’ata nō Taratoni.
’Ua hōro’ahia teie ō nō te tāmarū i te mau vahine i muri mai i tō rātou tāpūra’a nō te ma’i mariri ’aita’ata i te tītī.
’Ua tū’ati te reira tauturura’a i te ’ōro’a fa’ahanahanara’a nō te ha’amaura’ahia te Sōtaiete Tauturu i te 17 nō Māti 1842, teie fa’anahora’a vahine feiā mo’a ’ati a’e i te ao nei.
« E ha’amaita’ira’a te fāna’ora’a i teie huru fa’anahora’a e tauturu nei ia vetahi ’ē », ’ua parau ’o Jean Maurice Sotirio tāne, te peresideni nō te Tā’atira’a ma’i mariri ’aita’ata.
« E māuruuru roa te feiā e tāpūhia i teie mau māfatu nō te tāmarū ia rātou i muri iho i tō rātou tāpūra’a. Maita’i ē, ’o te ha’amatara’a teie nō te hō’ē ’ohipa ’āmui vai maoro ».
’Ua tae ato’a mai ’o Sandrine Camuzo vahine nō te tā’atira’a Reseau i teie ’ōro’a hōro’ara’a ō. ’Ua nā ’ō ’oia ē, tē tīa’i nei ’oia ma te ’ana’anatae ’ia tāvini i te huira’atira’a ’āpitihia e te feiā mo’a i te mau mahana i muri nei. ’Ua fa’a’ite mai ’oia ē, te mau tauiha’a tāmā tino, te ’ahu ’e te ha’uti nā te mau tamari’i, e mau mea hina’arohia.
’Ia au i tā te hō’ē tuahine feiā mo’a tei ’āmui mai i teie ’ohipa tāvinira’a i te huira’atira : « ’Ua riro terā hepetoma ’ei taime poupou mau. ’Ua ineine te mau tuahine i te rave rahi atu ā, nō reira tē ’ōpua nei rātou e fārerei vave fa’ahou ā ».