Fakahā pea Tala

‘Oku ou saʻia ke fakaafeʻi hoku ngaahi kaungāmeʻá ke mau ō ki he lotú pe ki he ngaahi ʻekitivitií.

Sēkope K., taʻu 12, Niu Sauele, ʻAositelēlia

Naʻá ku fiefia ʻaupito ke hū ʻi he vai ʻo e papitaisó. Naʻe papitaiso au ʻe hoku tuongaʻane naʻe ngāue fakafaifekau!

ʻEsitelita V., taʻu 8, ʻAlekuipa, Pelū

‘Oku ʻi ai homau fāmili ʻoku nofo ʻi Tonga, pea naʻa mau loto-mamahi ʻi he tō ai ha saikoloné. Ne mau fakakaukau ke ʻave ki ai ha meʻa sivi vai ke nau lava ʻo maʻu ha vai inu ʻoku maʻa. Naʻa mau ngāue mālohi pea tānaki ha paʻanga feʻunga ke ʻave ha puha meʻa sivi vai ʻe tolu! Naʻe maʻu ʻe homau fāmili ʻi Tongá ha meʻa feʻunga ke vahevahe mo honau komiunitií.

Kalea mo Kulisitofā L., fakatou taʻu 8, Sasikuasihani, Kānata

Naʻe fakaangaanga e fānau Palaimeli ʻi he Kolo Seni Luisi, ʻĀsenitiná, ki he polokalama Palaimelí pea naʻa nau vēkeveke ke fakahoko ia!

Naʻe faʻo ʻe he fānau Palaimeli ʻi he Vahefonua Pingi Seni, Taiuaní, ha ngaahi foʻi pulu molū ʻi ha foʻi hina ke fakafofongaʻi hono fakahoko e lotú, folofola ne laú, mo e taimi ne nau ongoʻi ai e ʻofa mei he ʻOtuá. Naʻa nau vahevahe he uike takitaha ʻa e meʻa ne nau fakahoko, ongoʻi, lotua, pe akó. Naʻe lahi ha ngaahi meʻa naʻá ne fakamanatu kiate kinautolu e ʻofa ʻa e ʻOtuá!

Lini P., taʻu 11, Sanitā Kulusi, Polīvia