2020
Ko Hai ʻa ʻĪsaia?
Fēpueli 2020

Haʻu, ʻo Muimui ʻIate Au: Tohi ʻa Molomoná

Ko Hai ʻa ʻĪsaia?

17–23 Fēpueli 2 Nīfai 11–25

Isaiah

Tā fakatātā ʻa Allen Garns

Naʻe akonaki ʻa e Fakamoʻuí, “ʻOku mahuʻinga ʻa e ngaahi lea ʻa ʻĪsaiá,” pea kuó Ne fekauʻi kitautolu ke tau ako kinautolu (vakai, 3 Nīfai 23:1). ʻOku hoko e ngaahi akonaki lahi ʻa ʻĪsaiá ko ha fakataipe ʻo e ngāue fakamatelie mo e Hāʻele ʻAngaua Mai ʻa Sīsū Kalaisí. ʻOku mahuʻinga fau ʻene ngaahi leá, ʻo hiki ia ʻe Nīfai ʻi he 2 Nīfai 12–24, ke lava ʻa e kakai te nau lau iá ʻo “hiki hake honau lotó pea fiefia” (2 Nīfai 11:8).

  • Naʻe hoko ʻa ʻĪsaia ko ha palōfita mei he 740–701 BC. Ko e meimei taʻu ia ʻe 40! ‘I he taimi hono uiuiʻi iá, mahalo ne ʻikai ko ha tangata toulekeleke mo ʻulutea ʻa ʻĪsaia ʻo hangē ko ia ʻoku tau faʻa fakakaukau ki aí. Te ke lava ʻo lau fekauʻaki mo hono uiuiʻí ʻi he 2 Nīfai 16.

  • Naʻe ʻi ai hano fāmili. Te ke lava ʻo laukonga fekauʻaki mo hono uaifí, “[ʻa e] palōfita fefiné,” pea mo hono fakahingoa ʻe he ʻEikí hono foha ne toki fāʻeleʻí ʻi he 2 Nīfai 18:3.

  • Naʻá ne hoko ko e fai-faleʻi pule ki he Tuʻi ko Hesekaiá. Naʻe lahi ʻaupito e ivi tākiekina ʻo ʻĪsaia ʻi Selusalemá. Naʻe mei tokoni fēfē nai ia ki hono fatongia ʻi heʻene hoko ko e palōfitá?

  • Ko ʻĪsaia ʻa e palōfita ʻoku lahi taha hono lea ʻaki ʻi he folofolá. Ko e peseti ʻe tolu ua ʻo e tohi ʻa ʻIsaiá ʻoku hiki ʻi he Tohi ʻa Molomoná; pea peseti kehe leva ʻe tolu ʻoku liliu hono fakaleá ke mahino ange hono ʻuhingá. (Vakai, Old Testament Student Manual, 3rd ed. [Church Educational System manual, 2003], 131.) Ko e hā hoʻo veesi folofola manako mei he tohi ʻa ʻĪsaiá?

  • ʻOku ʻuhinga e hingoa ʻĪsaiá ko e “ʻEikí ʻa e fakamoʻuí.” Naʻá ne akoʻi moʻoni ia! ‘Oku tataki fēfē hoʻo ngaahi filí ʻi hono toʻo kiate koe e huafa ʻo Sīsū Kalaisí?

Uike 4