Ngaahi Fakakaukau ki he Tohi ʻa Molomoná
Ko e Hā ʻOku Hoko Hili ʻetau Maté
Tā fakatātaaʻi ʻe Annie Henrie Nader
1. Maama tataliʻanga ʻo e ngaahi laumālié:
“Ko e ngaahi laumālie ʻo e faʻahinga ʻoku māʻoniʻoní ʻe tali ʻa kinautolu ki ha potu ʻo e fiefia, ʻa ia ʻoku ui ko palataisi, ko ha potu ʻo e mālōlō, ko ha potu ʻo e melino” ( ʻAlamā 40:12).
2. Toetuʻú:
“ʻE fakafoki ʻa e laumālié ki he sinó, pea mo e sinó ki he laumālié; ʻio, pea ʻe fakafoki ʻa e kupu kotoa mo e hokotanga hui kotoa pē ki hono sinó; ʻio, naʻa mo ha tuʻoni louʻulu mei he ʻulú he ʻikai mole ia; ka ʻe fakafoki ʻa e ngaahi meʻa kotoa pē ki honau anga totonu mo haohaoá” ( ʻAlamā 40:23).
3. Ko e Fakamāú:
“ʻO ka hili ʻa e ʻalu atu ʻa e faʻahinga kotoa ʻo e tangatá mei he ʻuluaki mate ko ʻení ki he moʻuí, ko e meʻa ʻi heʻenau hoko ʻo taʻe-faʻa-maté, kuo pau ke nau ʻalu atu ki he ʻao ʻo e ʻafioʻanga fakamaau ʻo e Tokotaha Māʻoniʻoni ʻo ʻIsilelí” (2 Nīfai 9:15).
4. Tuʻunga ʻo e nāunaú:
“ʻE toe fakafoki ʻa e meʻa kotoa pē ki honau anga totonú, ko e meʻa kotoa pē ki hono anga-fakanatulá—ʻe fokotuʻu hake ʻa e faʻa-maté ki he taʻe-faʻa-mate, pea mo e faʻa-ʻauʻauha ki he taʻe-faʻa-ʻauʻauha—ʻo fokotuʻu hake ki he fiefia taʻengata ke maʻu ʻa e puleʻanga ʻo e ʻOtuá, pe ki he mamahi taʻetuku ke maʻu ʻa e puleʻanga ʻo e tēvoló” ( ʻAlamā 41:4).