Fakamoʻoni kia Sīsū Kalaisí
“Pea ko ʻeni, hili ʻa e ngaahi fakamoʻoni lahi kuo fai ʻo kau kiate iá, ko e fakamoʻoni fakamuimui taha ʻeni, ʻa ia ʻokú ma fai ʻo kau kiate iá: ʻOkú ne moʻui!
“He ne ma mamata kiate ia, ʻio, ʻi he toʻukupu toʻomataʻu ʻo e ʻOtuá; peá ma fanongo ki he leʻo ʻoku fakamoʻoniʻi ko ia ʻa e ʻAlo pē Taha naʻe fakatupu ʻo e Tamaí—
“Pea ʻoku fakatupu pea naʻe fakatupu ʻe ia, pea ʻiate ia, pea meiate ia, ʻa e ngaahi māmá, pea ko hono kakai ʻo iá ko e ngaahi foha mo e ngaahi ʻofefine kuo fakatupu ki he ʻOtuá.”
Tokāteline mo e Ngaahi Fuakava 76:22–24; tānaki atu hono fakamamafaʻí.
ʻOkú Ne moʻui!
-
Naʻe toe tuʻu hake ʻa Sīsū Kalaisi mei he fonualotó (vakai, Mātiu 28:6).
-
ʻOkú ne maʻu ha sino ʻo e kakano mo e hui (vakai, Luke 24:39; Tokāteline mo e Ngaahi Fuakava 130:22).
-
‘Oku nāunauʻia mo taʻe-faʻa-mate Hono sino toetuʻú.
Naʻá ma mamata kiate ia
-
Kuo muimui maʻu pē ʻa e ʻOtuá ki he sīpinga hono ui ha kau fakamoʻoní (vakai, Ngāue 5:32).
-
Naʻá ne ui ʻa Siosefa Sāmita ko ha fakamoʻoni ʻi he ngaahi ʻaho kimui ní ki he Kalaisi moʻuí.
Naʻá ma fanongo ki he leʻó
Kuo fakamoʻoniʻi ʻi ha ngaahi taimi kehe ʻe ha leʻo fakalangi, ko e leʻo ʻo e Tamaí, ko Sīsū Kalaisi ʻa e ʻAlo ʻo e ʻOtuá (vakai, Mātiu 3:17; 3 Nīfai 11:7; Siosefa Sāmita—Hisitōlia 1:17).
ʻOku fakatupu pea naʻe fakatupu ha ngaahi maama
Naʻe fakatupu ʻe Sīsū Kalaisi ʻi he malumalu ʻo e fakahinohino ʻa e Tamai Hēvaní, ha “ngaahi māmani taʻefaʻalaua” (Mōsese 1:33).
Ko e kakai ʻo iá ko ha ngaahi foha mo e ngaahi ʻofefine kuo fakatupu
‘Oku nofoʻi ha ngaahi māmani kehe ʻe niʻihi. ʻOku ʻikai lahi ʻetau ʻilo ki he kakai ko iá (vakai, Mōsese 1:35), ka ʻoku tau ʻiloʻi ko e fānau kinautolu ʻa e Tamai Hēvaní pea ʻoku fakahaofi kinautolu ʻo fakafou ʻi he Fakalelei ʻa Sīsū Kalaisí.
Ngaahi tā fakatātā ʻa Josh Talbot
“Ko hoku ʻAlo ʻOfaʻangá ʻeni”