Haʻu, ʻo Muimui ʻIate Au: Tohi ʻa Molomoná
Ko e hā ne Fiemaʻu ke Foʻu ʻaki e Vaká?
27 Sānuali–2 Fēpueli 1 Nīfai 16–22
Laʻitā mei he Getty Images
Naʻe ʻikai ko ha kiʻi meʻa siʻi kia Nīfai hono foʻu ha vaká. Ne ʻikai ha palani, ʻikai ha pepa ke kumi mei ai e naunaú, pea hala ha meʻangāue. Ka naʻá ne maʻu ʻa e tuí, ʻulungaanga ngāue mālohi, mo ha ngaahi fakahinohino mei he ʻEikí (vakai, 1 Nīfai 17:8).
Ngaahi Meʻangāue
Ke ngaohi e ngaahi meʻangāue ki he papá, naʻe pau ke kumi ʻe Nīfai ʻa e makakoloá pea toʻo e ukameá—ko ha founga ne kau ai hono keli e malalá, momosi e maká, pea fakavaiaʻi e maká ʻi he afí ke toʻo mei ai e ukameá (vakai, 1 Nīfai 17:9–11).
Papa
Koeʻuhí ne ʻikai angamaheni ke maʻu e papá ʻi he matāfanga ʻo e Matāfanga ʻo ʻAlepeá, naʻe pau ke “[ʻalu] atu” (vakai, 1 Nīfai 18:1) ʻa Nīfai ki he tafungofungá ke fahi e papá mo fetuku ia ki he matātahí. Mahalo ne fai ha ngaahi fononga lahi ke ʻomi ha papa feʻunga.
Tuí
Naʻe tui ʻa Nīfai ʻe lava ʻe he ʻOtuá ʻo fakamōmoa ʻa e tahí ʻo kapau ko Hono finangaló ia. Ka naʻá ne tui foki ʻe lava ʻe he ʻEikí ʻo tokoniʻi ia ke ne fakahoko e meʻa ne ngali taʻemalavá (vakai, 1 Nīfai 17:50–51).
Uike 1