ʻAi Hangatonu

Te u fakamatalaʻi fēfē ki hoku ngaahi kaungāmeʻá e ʻuhinga ʻoku tau fiemaʻu ai e Tohi ʻa Molomoná?

‘Oku mau tui naʻe teuteuʻi e Tohi ʻa Molomoná ʻe he ʻEikí ki hotau kuongá pea ʻoku tau fie maʻu ia. Ko ha ngaahi ʻuhinga ʻeni ʻe niʻihi (ʻi hono fakamatalaʻi ʻe Palesiteni Lāsolo M. Nalesoní):

• ʻOku ʻi ai e tali ki he ngaahi fehuʻi mahuʻinga taha ʻo e moʻuí.

• ʻOkú ne akoʻi mai e tokāteline ʻo Kalaisí.

• ʻOkú ne tānaki mai mo fakamaʻalaʻala e ngaahi moʻoni “mahinongofua mo mahuʻinga” lahi mei he Tohi Tapú ne molé (vakai, 1 Nīfai 13:29–33).

• ‘Okú ne ʻomi e mahino kakato mo taupotu taha ki he Fakalelei ʻa Sīsū Kalaisí, he ʻikai ke toe maʻu ia mei ha feituʻu kehe.

• ‘Okú ne akoʻi mai kau ki hono tānaki fakataha ʻo ʻIsileli kuo fakamoveteveteʻí.

• ʻOkú ne fakahaaʻi e ngaahi founga ʻa e filí (vakai, 2 Nīfai 26–33).

• ‘Okú ne kapusi e ngaahi talatupuʻa hala fakalotú.

• ʻOkú ne fakaʻauha ʻo taʻengata e foʻi maʻu hala naʻe ngata pē ʻa e maʻu fakahaá he Tohi Tapú pea kuo ʻikai toe fakaava mai ʻa e langí.

(Mei he, Russell M. Nelson, “Ko e Tohi ʻa Molomoná: Ne Mei Fēfē Nai Hoʻo Moʻuí Ka Ne ʻIkai Ia?” Liahona, Nōvema 2017, 62.)