Mga Kaalaman mula sa Aklat ni Mormon

Ano ang Mangyayari Kapag Namatay Tayo?

Mga Paglalarawan ni Annie Henrie Nader

1. Daigdig ng mga espiritu:

“Ang mga espiritu ng yaong mabubuti ay tatanggapin sa kalagayan ng kaligayahan, na tinatawag na paraiso, isang kalagayan ng pamamahinga, isang kalagayan ng kapayapaan” (Alma 40:12).

2. Pagkabuhay na mag-uli:

“Ang kaluluwa ay magbabalik sa katawan, at ang katawan sa kaluluwa; oo, at bawat biyas at kasu-kasuan ay magbabalik sa kanyang katawan; oo, maging isang buhok sa ulo ay hindi mawawala; kundi lahat ng bagay ay magbabalik sa kanilang wasto at ganap na anyo” (Alma 40:23).

3. Paghuhukom:

“Kapag ang lahat ng tao ay makalampas mula sa unang kamatayang ito tungo sa pagkabuhay, kung kaya nga’t sila ay naging walang kamatayan, sila ay tiyak na haharap sa hukumang-luklukan ng Banal ng Israel” (2 Nephi 9:15).

4. Antas ng kaluwalhatian:

“Lahat ng bagay ay manunumbalik sa kanilang wastong kaayusan, bawat bagay sa kanyang likas na anyo—ang may kamatayan ay magbabangon sa kawalang-kamatayan, kabulukan sa walang kabulukan—magbabangon sa walang katapusang kaligayahan upang magmana ng kaharian ng Diyos, o sa walang katapusang kalungkutan upang magmana ng kaharian ng diyablo” (Alma 41:4).

“Ang layunin ng Huling Paghuhukom na ito ay upang malaman kung nagawa natin ang inilalarawan ni Alma na isang ‘malaking pagbabago ng puso’ (tingnan sa Alma 5:14, 26), kung saan tayo ay nagiging mga bagong nilalang na ‘wala nang hangarin pang gumawa ng masama, kundi ang patuloy na gumawa ng mabuti’ (Mosias 5:2). Ang hukom nito ay ang ating Tagapagligtas na si Jesucristo (tingnan sa 2 Nephi 9:41). Pagkatapos ng Kanyang paghatol, tayong lahat ay magsasabi ‘na ang kanyang mga paghahatol ay makatarungan’ (Mosias 16:1), dahil nalalaman Niya ang lahat ng bagay, Siya ay may perpektong kaalaman sa lahat ng ating mga gawain at pagnanais.”

Pangulong Dallin H. Oaks, Unang Tagapayo sa Unang Panguluhan, “Nalinis sa Pamamagitan ng Pagsisisi,” Liahona, Mayo 2019, 93.