Juon Rikam̧ool Emour kōn Kraist eo Emour
Ennaan eo eaorōktata ilo Bok in Mormon ej n̄an karooltok m̧ool in jelāļo̧kjen eo kōn jerbal eo eaorōk an Jisōs Kraist ilo lo̧mo̧o̧r im mour ijo eutiejtata an aolep armej.
Ilo juon raan in jibriin̄ ilo 2017, kōpeļļo̧k eo an Paris France Tampeļ eo kar kwaļo̧k ke kōppeļļo̧k eo ekar ijjino m̧okta jān raan eo kar kōnono kake ke juon iaan rijiniet eo kar wōnm̧ae jān em̧m̧aan eo ekar būromōj tūrin mejen. Ekar ba bwe ej jokwe itūrin tampeļ eo im kwaļo̧k bwe ekar juon eo ekar jum̧ae an ekkal. Ekar kwaļo̧k bwe juon raan ke ekar reinamojļo̧k ilo wūntō in m̧weo im̧ōn, ekar lale an juon kabōj kileplep ej leļalļo̧k annan̄ in Jisōs jān lan̄ im likūti ioon bwidej eo an tampeļ eo. Em̧m̧aan eo ekar ba bwe en̄jake in ekar loe ekar lukkuun in ukōt ļōmņak ko an ņae Kabūn in ad. Ekar kile bwe jej rikaļoor ro an Jisōs Kraist im ekar akweļap kōn jeorļo̧k bōd eo ad kōn men ko ekar kōm̧m̧ani m̧oktaļo̧k remaron̄ kar kōmetak kōj.
Annan̄ eo Christus eo ekaiboojoje bwidej in Paris Tampeļ eo im jikin ko jet an Kabūn in, ej kam̧ool kōn iakwe eo ad n̄an Rilo̧mo̧o̧r eo. Lukkuun annan̄ eo ej juon jerbal jān juon rijin̄a jān Danish Bertel Thorvaldsen, ekar kōm̧m̧ane ilo 1820 eo ejja iiō eo an Visōn eo Moktata. Annan̄ in ej oktaktata jān aolep jerbal in pā ko rej kōm̧m̧an ilo ejja iien in wot, eo eļap an kwaļo̧k kōn en̄taan eo an Kraist ilo debwāāl. Jerbal in an Thorvaldsen ej kwaļo̧k kōn Kraist emour, eo ekar anjo̧ jān mej, kōn pein eppeļļo̧k, ej kūr aolep n̄an itok Ippān. Annan̄ in dila ko ilo Pein im ilo Neen im kinej ko ilo Katin rej kam̧ool kōn jon̄an en̄taan eo ekar ioone n̄an lo̧mo̧o̧ren aolep armej.
Bōlen juon wūn kōj membōr ro ilo Kabūn eo Jisōs Kraist im Armej ro Rekwojarjar ilo Raan Ko Āliktata jej iakwe annan̄ in ej bwe ej kakeememej kōj kōn kōmeļeļe eo ej waļo̧k ilo Bok in Mormon kōn waļo̧kļo̧k eo an Rilo̧mo̧o̧r eo ilo laļ eo an Amedika.
“Im lo, raar lo juon Em̧m̧aan, ej wanlaļļok jān lan̄; im Eaar kōņak ilo juon liboror mouj; im Eaar wanlaļļok im jutak ilo ioļapļapier. …
“Im ālikin men kein Eaar erļo̧keļo̧k Pein im kōnono n̄an armej ro im ba:
“Lo, N̄aij Jisōs Kraist. …
“… Im Iaar idaak jān kap meo̧ eo Jema eaar letok n̄an Eō, im kar kaiboojoj Jema ilo bōk Ioō jero̧wiwi ko an laļ.”1
Im Ekar karuwaineneik kajjojo em̧m̧aan, kōrā, im ajri n̄an etal im karumļo̧k peier ilo katin im en̄jake jenkwan dila ko ilo Pein im ilo Neen, kōn menin n̄an bōk juon make kam̧ool bwe E eo Messaia etto kar kōttare.2
Menin ekar kōmeļeļeiki juon men ekabwilōn̄lōn̄ m̧akūtkūt eo eaorōktata ilo Bok in Mormon eo. Aolepān “nuuj ko rem̧m̧an” an gospel in ej kwaļo̧ktok jān pija in Rilo̧mo̧o̧r eo, An erļo̧ke “pein tūriam̧okake”3 n̄an karuwaineneik kajjojo n̄an itok n̄an E im būki kōjeraam̧m̧an ko an Pinmuur eo An.
Ennaan eo eaorōktata ilo Bok in Mormon ej n̄an karooltok m̧ool in jelāļo̧kjen eo kōn jerbal eo eaorōk an Jisōs Kraist ilo lo̧mo̧o̧r im mour ijo eutiejtata an aolep armej. Wūn kōnono in ej kōnono kake jān jinoin kadkad in Bok in Mormon n̄an jemļo̧k in naan eo āliktata ilo jebta eo āliktata. Kōn bun̄ jān tōmak ium̧win elōn̄ epepen ko im pok ilo jetōb, meļeļe eo em̧wilaļļo̧k kōn ta eo Kraist ekar kōm̧m̧ane ilo Getsemane im ioon Golgota rekar jako im bōd. Ewi jon̄an mōņōņō im en̄jake eo an Josep Smith, ke ekar ukōte 1 Nipai, ekar loe kallim̧ur in eaiboojoj: “Ļo̧o̧k kein ālik [Bok in Mormon eo] … naaj kajutak m̧ool eo m̧okta [Bible eo] … im naaj kwaļo̧k men ko realikkar im reaorōk ko em̧ōj kar bōk jān er; im naaj kwaļo̧k n̄an aolep laļ, lo, im armej, bwe Lamb an Anij ej eo Nejin Anij Indeeo, im Rilo̧mo̧o̧r in laļ; im bwe aolep armej rej aikuj itok n̄an E, ak reban mour.”4
M̧ool ko realikkar im reaorōk kōn Pinmuur eo an Rilo̧mo̧o̧r eo ej kwaļo̧k m̧ool ko ilo aolepān Bok in Mormon eo. Ilo aō kōllaajraki jet iaan m̧ool kein, ij kajjitōk ippemi n̄an kōļmenļo̧kjeņ kōn elmen aer kar ukōt ak nej kar ukōt kom̧.
-
Pinmuur eo an Jisōs Kraist ej menin letok eo ejjeļo̧k wōņāān n̄an aolep ro em̧ōj aer mour, ro rej kiiō mour, im ro renaaj mour ilo ļal in.5
-
Ilo kakkobaba n̄an ineek jerawiwi ko ad, Kraist eo ekar bōk ioon Make būrom̧ōj, mōjņo̧, en̄taan, im nan̄inmej, ko ad im aolep en̄taan ko m̧ōttan wōt mour in. Ejjeļo̧k en̄taan, ejjeļo̧k metak, ak būrom̧ōj me Ekar jab en̄taan kake n̄an kōj.6
-
En̄taan in pinmuur eo an Rilo̧mo̧o̧r eo ej kōtļo̧k ad anjo̧ ioon kaje ko rejjab em̧m̧an jān wotļo̧k eo an Adam, ekoba mej. Kōn Kraist, aolep ajri ro nejin Anij rekar ļotaktok n̄an laļ in, jekdoon ewi wāween aer kwojarjar, naaj en̄jake koba in jetōb im ānbwinieer ilo kajoor eo an Jerkakpeje eo7 im ro̧o̧lļo̧k n̄an E n̄an “ekajet … ekkar n̄an jerbal ko aer.”8
-
Ilo keidi, būki kōjeraam̧m̧an ko an Pinmuur eo an Rilo̧mo̧o̧r eo ekkar n̄an niknik ko ad9 ilo ad mour kōn “katak ko an Kraist.”10 Ilo ettōņak eo an, Liai ekar loe “ial eo erānin̄ im eaidik”11 eo ekar tōl n̄an wojke in mour eo. Leen, eo ej bōk jikin iakwe eo an Anij eo ej kwaļo̧k ikijeen aiboojoj in kōjeraam̧m̧an jān Pinmuur eo an Kraist, “aorōk im kaijoļjoļ tata … [im] e ej mennin letok eo eļaptata an Anij.”12 N̄an maron̄ bōke leen in, jej aikuj kamineneik tōmak ilo Jisōs Kraist, ukweļo̧k, “eo̧ron̄ naan in Anij,”13 būki kain̄I ko raorōk, im kōjparok kallim̧ur ko rekwojarjar m̧ae jem̧ļo̧kin ad mour.14
-
Kōn Pinmuur eo an, Jisōs Kraist ejjab kwaļiļo̧k jerawiwi ko ad wot, ak Ej barāinwot letok kajoor in kōmaron̄ eo me Rikaloor ro An remaron “[utūļo̧k] armej eo ilo lukkuun biktokin,”15 eddōkļo̧k “lain im bar lain,”16 im ļapļo̧k ilo kwojarjar17 bwe juon raan remaron̄ erom̧ armej ro reweppan ilo nememein Kraist, karbab n̄an mour ippān Anij bar juon alen,18 im joleti aolep kōjeraam̧m̧an ko an Anij ilo aelōn̄ in lan̄19 im joleti aolep kōjeraam̧m̧an ko an Anij ilo aelōn̄ in lan̄.20
Juon iaan bar m̧ool ko rej ped ilo Bok in Mormon ej bwe, men̄e ļaptata im aolepān lal n̄an tōpare, Pinmuur eo an Irooj ej juon ennaan n̄an kōj im menin letok aorōk, eo ej ekkar n̄an kōj kajjojo.21 Āinwot an kar Jisōs karuwainene kajjojo iaan RiNipai ro n̄an en̄jake kinej ko An, ekar mej kōn kōj kajjojo, E make, āinwot ke kwe im n̄a kar armej ro de ro ilo laļ in. Ej letok n̄an kōj juon ruwainene in itok n̄an E im kepaake kōjeraam̧m̧an ko rekabwilōn̄lōn̄ kōn Pinmuue eo An.22
Mejatoto in Pinmuur eo an Kraist ej erom̧ lukkuun m̧ool ilo ad kajjieon̄ ļoore waanjon̄ak ko an em̧m̧aan im kōrā ro ilo Bok in Mormon. Ilubwiljier ej Inōs, Alma, Zeezrom, Kiin̄ Lamonai im kōrā eo pāleen, im armej ro an Kiin̄ Benjamin. Bwebwenato in oktak in mour ko aer im naan in kam̧ool ko aer rekajoor ej letok n̄an kōj kam̧ool kōn ewi wāween an būrueer maron̄ kar oktak im mour ko ad oktak kōn em̧m̧an eo im tūriam̧o eo ejjeļo̧k jemļo̧kin an Irooj.23
Rikanaan Alma ekar kajjitōk ippān armej ro an kajjitōk in ebwil. Rikanaan Alma ekar kajjitōk n̄an armej ro an: “Eļan̄n̄e kom̧ ar imminene kōn juon oktak in bōro, im eļan̄n̄e kom̧ ar en̄jake n̄an al, al in iakwe em̧ool in pinmuur, ikōņaan kajjitōk, kom̧ maron̄ ke en̄jake kiiō?”24 Kajjitōk in ej jerbal rainin, kōnke āinwot rikaloor ro an Irooj, kajoor in pinmuur eo An ej aikuj mije kōj, kalimotak kōj, im kaoktak kōj kajjojo raan.
Kajjitōk eo an Alma emaron̄ bar kajjitōk: N̄āāt eo āliktata kwaar en̄jake ikdeelel eo an Pinmuur eo an Rilo̧mo̧o̧r eo ilo mour eo am? Menin ej waļo̧k eļan̄n̄e kwoj en̄jake “eaiboojoj im kanooj meo̧ļo̧k” kamōņōņō25 ej itok ioom n̄an kwaļo̧k m̧ool n̄an būruōm̧ bwe jerawiwi ko am em̧ōj an jeorļo̧ki; ak n̄e mālijjon̄ ko reddo rej erom̧ mera; ako ne būruōm̧ ej meeo̧eo̧ļo̧k im komaron̄ kwaļo̧k an jeorļo̧k bōd eo an juon eo ekar kōmetak eok. Ak emaron̄ kajjojo iien kōj loe maron̄ eo am n̄an iakwe im jerbal n̄an ro jet em̧ōj an eddōkļo̧k, ako jerbal in kajjeon̄ erreo ej kōm̧m̧an bwe kwon juon armej eo oktak, āinwotļo̧k waanjon̄ak ko an Rilo̧mo̧o̧r eo.26
Ij kwaļo̧k kam̧ool bwe aolepān en̄jake kein rej m̧ool im rej kam̧ool eo me mour ko remaron̄ oktak ilo tōmak ilo Jisōs Kraist im Pinmuur eo An. Bok in Mormon ej kalikkar im kōļāpļo̧k jeļāļo̧kjeņ eo an kōn menin letok in eļap. Ilo am ekkatak bok in, konij ron ainikien Kraist eo em̧our karuwainene kwe n̄an itok n̄an E. N̄aij kallim̧ur bwe eļan̄n̄e kwonaaj bōk karuwainene in im jokkun wōt juon mour eo am n̄an waanjon̄ak eo An, ikdeelel in pinmuue eo An enaaj iwōj n̄an m̧our eo am̧. Kōn kajoor eo an Jetōb Kwojarjar, Rilo̧mo̧o̧r eo enaaj ukōte kwe jān raan n̄an raan, “mae iien raan eo eweppan”27 n̄āāt eo kwonaaj, ilo An kar ba, “loe meja im jelā bwe N̄a in.”28 Ilo etan Jisōs Kraist, amen.