Bradley R. Wilcox

Rikakpilōklōk eo Kein Karuo ilo Doulul eo Eutiej an Likao ro

Ke ekar pād ilo juon kweilo̧k eļap an jodikdik ro ilo California, Brother Bradley (Brad) R. Wilcox ekar ioone juon likao eo me ekar jab kōņaan pād ijo. Ekar kobaļo̧k ippān jodikdik in ilo ium̧win juon wōjke eaelorlor, im ejjab to rekar ekōnono kōn unin kōnono eo em̧m̧antata an jodikdik ro—jikāātboot.

Brother Wilcox ekar kajjitōk ippān jodikdik in n̄an kwaļo̧k jet iaan kōļ in jikāātboot ko an. Kar bwilōn̄, ekar kajjitōk ippān jodikdik in n̄an kōm̧m̧ane juon kōmeļeļe ilo kwaļo̧k kōn jikāātboot ilo Especially for Youth ilo jōm̧ar eo. Likao in ekar m̧akoko bōtaab āliktata ekar errā. Ilo EFY, ekar wōr juon an en̄jake an ukōt mour im lo naan in kam̧ool eo an kōn gospel eo.

“Unin an pād ilo EFY eo kōn jikāātboot eo an, ak ke ekar ro̧o̧l ekar bōk juon naan in kam̧ool bōtaab ekar ro̧o̧l āinwōt juon mijenede,” Brother Wilcox ekar ba.

“Ikar joļo̧k iien ilo mour eo aō ippān ajri ro im jodikdik ro,” Brother Wilcox ekar ba, “im ij iakwe jodikdik ro.”

Bradley Ray. Wilcox kar ļotak ilo Provo, Utah, USA, ilo Tijem̧ba 25, 1959, n̄an Ray T. Wilcox im Val C. Wilcox. Ekar rūttoļo̧k ilo Provo ijjeļo̧kin wōt ekar bar joļo̧k jejjo iiō ko ilo Ethiopia ke ekar drik.

Ālkin jerbale juon mijen ej jerbal aolep raan ilo Chile Vin̄a del Mar Mission, Brother Wilcox ekar m̧areik Deborah Gunnell ilo Provo Utah Tampeļ ilo Oktoba 7, 1982. Rej jinen im jemān emān ajri ro.

Brother Wilcox ekar bōk bachelor im master degree ko an jān Brigham Young Univeristy im doctorate degree ilo jeļāļo̧kijeņ jān University of Wyoming. Brother Wilcox kar bōk elōn̄ nebar ko kōn jerbal eo an ilo jikin jeļālo̧kijeņ, kar wujlepļo̧k elōn̄ļo̧k jān 30 iiō ko n̄an BYU’s Especially for Youth būrookraam̧ eo, im ekar kanooj m̧ōņōņō kōn an juon rikatakin ilo Campus Education Week.

Brother Wilcox im baam̧le eo an rekar jokwe ilo New Zealand im Spain ekar tōl būrookraam̧ ko an ekkatak ko ilo laļ ko ilikin n̄an BYU. Ekar je jejjo bok ko im ej kiiō juon professor ilo Ra eo an Ancient Scripture ilo BYU.

Brother Wilcox ekar jerbal āinwōt juon būreejtōn n̄an Chile Santiago East Mission im āinwōt juon Jabōt Jikuuļ general board membōr, rikakpilōklōk ilo būreejtōnji eo an stake, im bisop n̄an ward eo an rūm̧m̧an ded ro. Ilo iien kūr eo an, ekar jerbal āinwōt juon aae ko̧o̧njeļ im āinwōt juon būreejtōn an Doulul eo an Likao ro ilo stake.