Elder Moisés Villanueva

Ritōl Eutiej Jiljilimjuonn̄oul an Kabun̄ in

Ekar 10 wōt iiō dettan ilo iien eo, ak Elder Moisés Villanueva ejjan̄in kar meļo̧kļo̧k wāween an kar en̄jake ke mijenede ro rekar katakin e im baam̧le eo an kōn gospel eo ilo Oaxaca, Mexico.

“Ij kemeemej Jetōb eo ke rekar rool jān m̧weo, aenōm̧m̧an eo me ikar en̄jake ilo buruwō,” ekar ba.

Ke Moisés ekar peptaij ippānļo̧k ro jein im jatin emān, jinen—juon jinen eo ejjeļo̧k ippān ekar lale Moisés im ajri ro jiljimjuon jein im jatin ilo jekjek ko reppen—kar bar ro̧o̧ltok n̄an Kabun̄ in.

Tokālik, āinwōt 18-iiō-dettan Moisés ekar kōppopo n̄an mijen eo an, baam̧le eo an rekar wōnm̧aanļo̧k wōt im ioon melijjon̄ ko an kanniōk. Ekar bere kāālet eo an n̄an em̧m̧akūt im ekar ba n̄an jinen bwe ekōņaan pād wōt ilo m̧weo n̄an jipan̄ e.

“N̄e kwolukkuun kōņaan jipan̄ n̄a,” jinen ekar ba n̄an e, “etal im jerbal n̄an Irooj.”

Bukwelōlō ilo jikin babu eo an ilo jem̧ļo̧kinļo̧k raan eo an jinointata ilo mijen eo an Mexico Hermosillo Mission, Moisés ekar en̄jake bwe Irooj ekar em̧ōņōņō kōn kālet eo an. Ej kile mijen eo an kōn eddōkļo̧k eo an naan in kam̧ool eo an kōn gospel eo kar kōjepļaaktok.

“Kabun̄ in ej bōk tōl jān ad Rilo̧mo̧o̧r Jisōs Kraist,” Elder Villanueva ekar ba. “E ejeļā kajjojo iaad kōn āt ko etad. Ejeļā kōn aikuj ko ad, apan̄ ko ad, im inepata ko ad. E ebarāinwōt jeļā kōn kajoor ko ad im aaet ikdeleel ko an buruōd.”

Moisés Villanueva López ekar ļotak ilo Tijem̧ba 13, 1966, ilo Oaxaca, Oaxaca, Mexico, jān Rubén Villanueva Platas im Delfina López Domínguez. Ekar m̧areik Leticia Ávalos Lozano ilo Mexico City Mexico Tampeļ ilo Juun 30, 1995. Ewōr jilu nejier ajri.

Elder Villanueva ekar bōk degree in bachelor ilo business administration jān Southeast Regional University ilo 1997 im juon master degreee ilo innovation n̄an business improvement jān Tecnológico de Monterrey ilo 2011. Ekar ļap an jerbal raan kein āinwōt chief executive opija in Sertexa, juon kombani in iaļan ito itak.

Ilo iien eo ej bōk kūr eo an, Elder Villanueva ekar jerbal āinwōt juon Eria Jiljimjuonn̄oul ilo Mexico. Ekar barāinwōt jerbal āinwōt juon būreejtōn n̄an California Arcadia Mission im āinwōt juon ae ko̧o̧njeļ, rikakpilōklōk ilo bureejtōnji eo an stake, bisop, im public affairs director.