Ahmad S. Corbitt

Rikakpilōklōk eo Kein Kajuon ilo Būreejtōnji eo Eutiej an Doulul eo an Likao ro

Ahmad S. Corbitt, 57, ekar ļotak ilo O̧kwoj 1962 eo n̄an James Earl Corbitt im Amelia Corbitt. Baam̧le eo ekar jeram̧ōl im kar jokwe ilo m̧ōko edik wōņaer ilo Philadelphia, Pennsylvania, USA, ijo ekar ļap m̧ōrō ie im elōn̄ kurūp in rinana ro. Ekar jab em̧m̧an n̄an etetal ilo iturin m̧ōko ilo bukwon eo.

Ak im̧we ko an ro jinen ilo jetōb ekar tōl ajri ro 10 nejin im kōjparok wōt er. Ekar jeļā ilo jetjet kōn n̄āāt eo ajri ro nejin remaron̄ ikkure nam̧ōj im n̄āāt rej aikuj pād ilowaan m̧weo.

Ekar jān en̄jake ko an jetōb me ekar tokālik tōl e n̄an kūrtok mijenede ro jān Kabun̄ eo an Jisōs Kraist im Armej ro Rekwojarjar ilo Raan Ko Āliktata n̄an m̧weo im̧ōn. Iien ko ej juon ļaddik im juon jodikdik wōt, Ahmad im baam̧le eo an rekar kabun̄ ippān Nation of Islam, im rekar tokālik peptaij ilo Būrotijen. Ak kiiō ekar en̄jake iakwe jān jarjepju in Armej ro Rekwojarjar ilo Raan Ko Āliktata ilo ijo ej jokwe ie.

Jinen im jeta iaan ro jein im jatin rekar peptaij ilo allōn̄ eo tok juon. Ilo O̧kwoj 16, 1980, ilo raan in ļotak eo an, Ahmad ekar barāinwōt deļo̧n̄e dān in peptaij ko. Ļeo jemān, Henry Brandford Campbell, ekar kobatok ilo Kabun̄ in iiō tok juon.

“Ekar jab lukkuun kōn kōm,” ekar ba. “Ekar kōn Anij im ta eo Ekar kōņaan bwe kōmin kōm̧m̧ane. Kōm kar m̧ōņōņō in kōttāik kōm im kōpeļļo̧k būruōm. Ekar tōlļo̧k kōm.”

Ālikin an jikuuļ ilo Ricks College im jerbal lo Puerto Rico San Juan Mijen jān 1982 n̄an 1984, ekar ioone Jayne Joslin ilo juon tūrāāp in tampeļ an rūm̧man ded ro. Rein ruo raar m̧are ilo O̧kwoj 24, 1985, ilo Washington D.C. Tampeļ im rej ro jinen im jemen jiljino ajri ro.

Ilo iiō ko tok ruwatimjuon, ekar jerbal ilo raan im etal n̄an jikuuļ ilo bon̄, ekar bōk degree ko jān The Richard Stockton College ilo New Jersey im Rutgers Univeristy Law School eo.

Ekar jerbal āinwōt juon rikapilōklōk ilo būreejtōnji eo an stake, juon stake būreejtōn, juon rikapilōklōk eo euteij, im būreejtōn n̄an Dominician Republic Santo Domingo East Mission.

Brother Corbitt ekar jerbal āinwōt juon lawyer, n̄an armej ro rebun̄bun̄ ak kombani ko im āinwōt juon eo ej bōk eddo in Opij eo an Public im International Affairs an Kabun̄ in ilo New York. Ej jerbal rainin n̄an Ra Dik eo an Church’s Missionary.