Elder Jorge T. Becerra

Ritōl Eutiej Jiljilimjuonn̄oul an Kabun̄ in

Jorge T. Becerra rūttoļo̧k ilo an ejokook im jej an naan, ak mijen būreejtōn eo an ekar leļo̧k iien ko rem̧m̧an bwe en tōl. Jorge ekar jepļaakļo̧k n̄an m̧weo im̧ōn jān California Arcadia Mijen eo kōn juon ikdeleel n̄an boub ilo jerbal eo an Irooj n̄an jem̧ļo̧kin mour eo an.

Elōn̄ļo̧k iien ko rem̧m̧an n̄an tōl rekar m̧ōkaj aer itok jān an kar kōtmene. Ke ej 27 an iiō, kar kūr e n̄an bisoprik. Ke ej 32 an iiō, kar kūr āinwōt juon bisop. Ilo jinoin ekar en̄jake an likjab ke armej ro raar kepaake kōn apan̄ ko aer.

“Ijaje ta eo ij kōm̧m̧ane,” ekar ba n̄an jemān.

Uwaak eo an jemān ekar katakin e juon katak ekajoor, kar kakeemejmej e kōn tōmak eo an mijen būreejtōn eo an ilo e, im ekar jipan̄ e kōppopo n̄an kūr in tōl ko ilju im jakļaj, ekoba kūr eo an āinwōt juon stake būreejtōn ke ej 37 an iiō.

“Jema ekar ba, ‘Nejū, jete an Jetōb Kwojarjar eo iiō?’” Elder Becerra ekar keemejmej. “Bwe ekar juon iien katakin eo em̧m̧an n̄an n̄a kōnke ikar jeļā bwe imaron̄ kōm̧m̧an aolep men Irooj ekar kajjitōk ippa.”

Katak eo ekar pād wōt ippān Elder Becerrea ilo ium̧win elōn̄ iiō in jerbal ko an ilo Kabun̄ eo an Jisōs Kraist im Armej ro Rekwojarjar ilo Raan-ko Āliktata.

Jorge Eduardo Torres Becerra ekar ļotak ilo Tijem̧ba 18, 1962, n̄ān Juan C. Becerra im Celia T. Becerra ilo Salt Lake City, Utah, USA, ijo ekar rūttoļo̧k ie.

Ālkin an jerbale juon mijen elikio, Elder Becerra ekar m̧areik Debbie Ilene Schneberger ilo Salt Lake Tampeļ O̧kwōjj 10, 1984. Rej jinen im jemān emān ajri ro.

Elder Becerra ekar bōk juon degree ilo general studies jān University of Utah im juon associate of arts degree ilo accounting jān Salt Lake Community College. Ekar barāinwōt ekkatak pejnej ilo Univeristy of Phoenix. Ilo 1998 eo ekar erom juon m̧ōttan Allegis Advisor Group eo, juon juon rikapilōk ikkijien jāān an kom̧bani eo. Ilo iien kūr eo an āinwōt juon Ritōl Eutiej Jiljilimjuonn̄oul, ekar jerbal āinwōt juon investment rikapilōk n̄an Intermountain Financial Partners.

Elder Becerra ekar jerbal āinwōt juon būreejtōn n̄an doulul eo an Likao ilo ward, rikakpilōklōk ilo juon mijen būreejtōnji, rikakpilōklōk ilo juon būreejtōnji an branch, rūkaki in jemenere, rikakpilōklōk ilo juon bisoprik, bisop, stake būreejtōn, im būreejtōn n̄an California Arcadia Mijen. Ilo iien kūr eo an, ekar jerbal āinwōt juon Eria Jiljilimjuonn̄oul.