Hosanna im Hallelujah— Jisōs Kraist eo Emour: Būruwōn Jepļaaktok eo im Ijtō.
Ilo iien hosanna im hallelujah, al hallelujah bwe Enaaj peek n̄an indeeo im indeeo!
Ro jeiū im jatū: kōn hosanna im hallelujah, jej kakeememej iien mour eo an Jisōs Kraist ilo juon iien n̄an wōnm̧aanļo̧k kōn Jepļaaktok eo im Ijtō. Kōn iakwe eweppāān, ad Rilo̧mo̧o̧r ej kallim̧uri kōj: “Ilo n̄a kom̧win aenōm̧m̧an. Ilo laļ kom̧ij en̄taan, ak kom̧win m̧ōņōņō; N̄a Iar bōk anjo̧ ioon laļ.”1
Jet iiō ko remootļo̧k, Sister Gong im n̄a kar ioone juon baam̧le, leddik eo nejier edik, Ivy, kōn jidik jook ekar kwaļo̧k tok volin eo nejin jān men eo nien. Liin ekar kotak lōn̄tak aļaļ in violin eo, kōkankanļo̧k im kōņak rosin eo. Innem ekar bar kōro̧o̧le aļal eo n̄an men eo nien, kam̧oolol, im jijjōt. Juon rijino, ekar kwaļo̧k ta ko ekar jeļā kake kōn violin. Kiiō, iiō ko tokālik, Ivy elukkuun aiboojoj an kōjan̄jan̄ e violin eo.
Ilo mour in, jej āinwot Ivy im violin eo an. Jej jino jān jinoin. Kōn ekkatak im tiljek, jej eddōk im em̧m̧anļo̧k. Ilo an iien wanmaanļo̧k, anemkwoj im en̄jake ko an mour in ej jipan̄ kōj erom āinwot Rilo̧mo̧o̧r eo ad ilo ad jerbal Ippān ilo jikin kallip eo An2 im ļoore ial in kallim̧ur eo An.
Kakeememej, ekoba jejjōt in rubukwe iiō, eaorōk ilo jon̄ak in jeplaaktok eo3 Ilo ad kakeememeje raan in Jeplaaktok eo ej wōnm̧aanļo̧k wōt an gospel eo an Jisōs Kraist, jej barāinwōt kōpopo n̄an Ijtō. Ilo jim̧or, jej mōņōņō ilo jeplaaktok eo an Jisōs Kraist Ej mour—ejjab kar m̧okta wot, ak kiiō; ejjab baj n̄an jet wōt, ak n̄an aolep. Eaar itok im ej itok n̄an kōmour ro rej būromōj, kōtļo̧k n̄an ro rej mour wōt, loļo̧kjeņ n̄an ro re pilo, im kōtļo̧k ro raar kōkkure er.4 Ej kōj kajjojo. Kallim̧ur in pinmuur eo an ej jerbal, jekdo̧o̧n ta tōre eo ad m̧oktaļo̧k, tōre in ad, ak n̄ūrbōktak ko kōn ilju jekļaj eo ad.
Ilju ej Palm Jabōt. Ilo m̧anit, kimej ko rej kōkkaļļe eo ekwojarjar n̄an kwaļo̧k lan̄lōn̄ ilo ad Irooj, āinwōt ilo anjo̧ eo an Kraist deļo̧n̄e Jerusalem, ijo “elōn̄ armej ro … rej bōk ra ko raan wōjke pam, im ilen ioon E.”5 (Bōlen komaron̄ in kōņaan jeļā kōn pija eo jinointata an Harry Anderson im ej ettoto ilo opiij eo an Būreejtōn Russell M. Nelson, iturin wōt tebōļ eo an.) Ilo bok in Revelesōn, ro rej nebar Anij im Lam eo rekar kōm̧m̧ane “kōņak nuknuk ko re mouj, im pam ko ilo peir”6 Ippān “liboror ko in weeppān” im “kūrawūn ko aiboojoj,” kimej rej barāinwōt pād ilo Kirtland Tampel eo ilo jar.7
Aaet, aorōk eo an Jabōt in Ijtō eļap wot jān an jarplepju ro iakiakweik Jisōs kōn kimej ko. Ilo Jabōt in Ijtō, Jisōs ekar deļo̧n̄e Jerusalem ilo wāween eo ro ritōmak rekar kile āinwōt kakūrm̧ool in kanaan. Āinwōt an kar Zekeraia8 im Sam Ko kanaan, ad Irooj ekar deļo̧n̄e Jerusalem uwe ioon juon donkey ilo ad jarlepju ro lam̧ōj, “Hosana ilo utiejtata!.”9 Hosanna meļeļe in “lo̧mo̧o̧r kiiō.”10 Mokta, āinwōt kiiō, jej lan̄lon̄, “Emōņōņō eo ej itok ilo etan Jeova.”11
Wiik eo ālikin Pam Sunday ej Jabōt in Ijtō. Būreejtōn Russell M. Nelson ekar katakin bwe Jisōs Kraist “ekar itok n̄an kōļļā wōņāān m̧ūri eo ekar jab mūri ki, kōnke jekar m̧ūri ilo ejjeļo̧k wāween n̄an kōļļaik.”12 Aaet, kōn Pinm̧uur eo an Kraist, aolep ajri ro nejin Anij “remaron̄ bōk lo̧mo̧o̧r, jān pokake kien ko im kain̄i ko an Gospel eo.”13 Ilo Ijtō, jej al hallelujah. Hallelujah meļeļe “nebar e Irooj Jeova.”14 Hallelujah Chorus eo ilo Handel Mesaia ej juon kōkaļļe bwe E eo ej “Kiin̄ ioon aolep kiin̄, im Irooj ioon aolep irooj.”15
Iien ko rekwojarjar ikijen Palm Sunday im Jabōt in Ijtō ej juon bwebwenato kōn hosanna im hallelujah. Hosanna ej juon ad kajjitōk n̄an lo̧mo̧o̧r. Hallelujah ej kwaļo̧k ad nōbar n̄an Irooj kōn kōjatdikdik n̄an lo̧mo̧o̧r im mour ijo eutiejtata. Ilo hosanna im hallelujah jej kile Jisōs Kraist eo emour āinwōt būruwōn Ijtō in im jepļaaktok ilo raan-kein aliktata
Jepļaaktok eo ilo raan kein āliktata ej jino kōn theophany—waļo̧k eo an Anij Jemed im eo Nejin, Jisōs Kraist, n̄an rikanaan eo edik Josep Smith. Rikanaan Josep ekar ba, “Ilo am kalimjōk lan̄ ium̧win ļalem minit ko, kwonij jeļā eļapļo̧k jān am kar riit aolep men ko rekar jeki kōn wūn kōnono eo.”16 Kōnke lan̄ ebar peļļo̧k, jejeļā im “tōmak ilo Anij, Jemān Indeeo, im ilo Nejin Jisōs Kraist, im ilo Jetōb Kwojarjar”17—doulul in Anij eo ekwojarjar.
Ilo Jabōt in Ijtō, Eprōl 3, 1836, ilo raan ko ilo iien jepļaaktok eo, Jisōs Kraist eo emour ekar waļo̧k ālkin an Kirtland Tampel eo kar aje. Ro rekar lo E ilo tōre eo rekar kam̧ool kōn E kōn wūn ko an kijeek im dān: “Mejān rekar āinwōt urur in kijeek; kooļan bōran ekar mouj āinwōt sno erreo; baaktokin eaar romaak ilōn̄inļo̧k meram eo an al; im ainikien eaar āinwōt ainikien ibeb in dān ko reļļap, em̧ool ainikien eo an Jeova.”18
Ilo iien eo, Rilo̧mo̧o̧r eo ad ej ba, N̄a eo m̧oktata im eo āliktata; N̄a E eo ej mour, N̄a E eo kar m̧ane; N̄a ami rijojomar ippān Jemen.19 Bar juon alen, n̄an keid—m̧oktata im āliktata, mour im m̧ane. E ej Alpha im Omeja, jinoin im jemļo̧kin,20 rijeje im jemļo̧kin tōmak eo ad.21
Ļoore ļo̧k waļo̧k eo an Jisōs Kraist, Moses, Elias, im Elija rekar bar itok. Kōn tōl eo ekwojarjar, rikanaan rein rem̧m̧an jem̧aan rekar kōro̧o̧ltok kii ko im maron̄ eo an priesthood eo. Kōn menin, “ki ko an tōrean bōk eddo jab in rej wūjlepiwaj”22 ilowaan jeplaaktok eo an Kabūn eo an n̄an kōjeraam̧m̧an aolep ajri ro nejin Anij.
Itok eo an Elisa ilo Kirland Tampel eo ekar barāinwōt kakūrm̧ool kanaan eo an Malakai ilo Kallim̧ur Mokta bwe Elisa enaaj jepļaaktok “m̧okta jān an itok raan eo eļap im kaamijak an Jeova.”23 Ilo kōm̧m̧ane ejja menin, waļo̧k eo an Elias ekar errā, men̄e ejjab kōn jide, ilo iien kwojkwoj eo an RiJu ro, kar imenene in itok eo an Elisa.
Elōn̄ RiJu ro reniknik rekar kōpooje jikin Elisa ilo tabōl in Kwojkwoj eo aer. Elōn̄ rekar tein̄ kab eo n̄an itok eo an im karuwainene e. Im jet, ilo iien imenene in Kwojkwoj eo, kar jilkinļo̧k juon ajri n̄an kōjem eo, jet iien kōpeļļo̧k jidik, n̄an lale n̄e Elisa enij kōttar namoj n̄an aer karuwaineneik.24
Ilo kakūrm̧ool eo an kanaan eo im ej m̧ōttan kallim̧ur in jepļaaktok eo an aolep men25 Ilaija ekar itok āinwōt an kar kallim̧ur, ilo Ijtō im iien Kwojkwoj eo. Ekar boktok maron̄ in liāp n̄an kapen baam̧le ko ilo laļ im ilo lan̄. Āinwōt an kar Moronai katakin Rikanaan Josep, Ilaija “enaaj kalōlō ilo būruōn ro nejier kallim̧ur ko kar kōm̧m̧ani n̄an ro jim̧m̧aer, im būruōn ro nejier renaaj oktakļo̧k n̄an ro jemāer. Eļan̄n̄e en kar jab āindein,” Moroni ekar waanmaanļo̧k “aolepān laļ naaj kar kanooj ko̧kkure ilo itok eo an [Irooj].”26 Jetōb eo an Ilaija, juon kamool kōn Jetōb Kwojarjar, ej kepaakeļo̧k kōj n̄an epepen eo ad—jemaan, raan kein, im ilju im jeklaj—ilo menmenbwij ko ad, bwebwenato ko, im jerbal ko an tampel.
Kōtļo̧k bwe jān bar roolļo̧k n̄an melele in Kwojkwoj eo. Kwojkwoj eo ej kakeememej riwojlo̧k eo an ajri in Israel jān 400 iiō ko in en̄taan. Bok in Exodus ej kwaļo̧k ewi wāween an kar riwojļok in ālikin nan̄inmej frog, kij, ļo̧n̄, mej in kidu ko, wōt, bwil in anbwin, wotļo̧k in ice im kijeek, lokōs, im marok emijel. Nan̄inmej eo āliktata ekar ba kōn mej eo an m̧aanje ro ilo aneo ko ilo imōn armej in Israel ne—ne ro ilo mweo renij likūt bōtōktōk in lam ilo kojem ko aer.27
Enjeļ in mej eo ekar etetal ilo moko kōkkaļļe in aņan in bōtōktōk an lam eo28 Etetal eo, ak kijoon eo, ej pinej-jenkwan Jisōs Kraist ilo an anjo ioon mej. Aaet, pinmuur in bōtōktōk eo an Lam an Anij ej letok n̄an Seperd eo Em̧m̧an kajoor n̄an aiintok armej ro An ilo aolep jikin im wāween ko n̄an koņ ilo wōrwōr eo An ilo jimōr jait ko ilo veil eo.
Ilo m̧ool, Bok in Mormon eo ej kōmeļeļe “kajoor im jerkakpeje eo an Kraist”29—meļeļe in Ijtō—ilo tōōm̧ jepļaaktok ko.
M̧oktata, jerkakpeje eo ekoba jepļaaktok an ānbwin eo ad n̄an “jekjek eo eweeppān”aolep ra im mōkwoj,” “em̧ool juon kooļ in bar naaj jamin jako.”30 Kallim̧ur in ej letok kōjatdikdik n̄an ro me rekar ajikkuk; ro me rekar jab maron̄ in loļo̧kjeņ, ron̄, ak etetal, ak ro me rekar jako kōn nan̄inmej, nan̄inmej in kōmālij, ak m̧ōjņo̧ ko jet. Ej lo kōj. Enij kōm̧m̧an bwe jān juon wōt.
Kallim̧ur eo kein karuo an Ijtō im Pinmuur eo an ad Rilo̧mo̧o̧r ej bwe, ilo jetōb, “aolep men kein renaaj bar jepļaak n̄an jekjek ko aer reweeppān.”31 Jepļaaktok in ilo jetōb ej kwaļo̧k jerbal ko ad im ikdeelel ko. Āinwōt pilawā ioon dān,32 ej kōjepļaak “men eo em̧m̧an,” “wānōk,” “jim̧we,” im “jouj.”33 Unin an rikanaan Alma kōjerbal naan eo jepļaak 22 kōttan34 āinwōt an rōjan kōj n̄an “jab kalijekļo̧k am̧ jerbal, ekajet ilo jim̧we, im jab bōjrak jān kōm̧m̧an em̧m̧an.”35
Kōnke “Anij make Eaar pinmuur kōn jero̧wiwi ko an laļ,”36 Pinmuur eo an Irooj emaron̄ kemour ejjab ta eo wōt ekar waļo̧k, ak ta eo emaron̄ kōm̧m̧an. Kōnke Ejeļā metak ko ad, en̄taan ko, nan̄inmej ko, “kapo ko ad an aolep kain,”37 E emaron̄, kōn jouj, jipan̄ ekkar n̄an m̧ōjņo̧ ko ad.38 Kōnke Anij ej “Anij en marōn wanōk, Anij in jimwe, im Anij in tūriam̧o kake barāinwōt,” karōk in tūriam̧o emaron̄ “n̄an medek akweļap ko an kien”39 Jej ukweļok im kōm̧m̧ane aolep men jej aikujin kōm̧m̧ane. Ej jepooļ kōj indeeo “ilo pein iakwe eo an.”40
Rainin jej kakeememej jepļaaktok im jerkakpeje. Ippāmi, ij lan̄lōn̄ ilo tarlep in wōnm̧aanļo̧k eo an Jepļaaktok eo an gospel eo an Jisōs Kraist. Ilo an kar jino 200 iiō ko remootļo̧k ilo jipriin̄ in im revelesōn ko rej waanmaanļo̧k wōt aer itok ilo rikanaan ro an Irooj rej mour im ilo Kabūn in ej nae Etan—Kabūn eo an Jisōs Kraist im Armej ro Rekwojarjar ilo Raan Ko Āliktata—im kōn make revelesōn im ikdeelel ko kōn menin letok eo an Jetōb Kwojarjar.
Ippāmi, ilo tōre in Ijtōn in, ij kam̧ool kōn Anij, Jemād Indeeo, im Nejin Jitōboro, Jisōs Kraist eo emour. Armej in kanniōk rekar dōbwāāl im kiō emōj aer jerkakpeje. Ak Jisōs Kraist eo emour e wōt ilo weppān in jerkakpeje eo an ej kabwijer wōt an̄an in an kar debwāāle ilo Pein, Neen, im Katin. E wōt eo emaron̄ ba, “iaar jeje etam̧ ioon lo̧piden pā ko peiū.”41 E wōt emaron̄ ba: “N̄aij eo kar kotak E. N̄a Jisōs me kar debwāāle. N̄a ij Nejin Anij.”42
Āinwōt Ivy im violin eo nejin, kōj jej kab ilo jet wāween kab jinoe. Em̧ool, “mej ear jab loi, im lo̧jilin̄i ear jab ron̄, im re jan̄in deļo̧n̄ ilo buruōn armej, men ko jabdewōt Anij ear kōpoji n̄an ro rej iakwe E.”43 Ilo iien kein, jemaron̄ ekkatak eļap kōn em̧m̧an eo an Anij im kōjatdikdik kwojarjar eo ad n̄an an iakwe eo an Anij n̄an eddōkļo̧k ilo kōj ilo ad kappukōt E im pukōtļo̧k doon. Ilo wāween ko rekāāl imi jikin ko rekāāl, kōm̧m̧an im erom̧, lain ioon lain, jouj ioon jouj, kōj make im ippān doon.
Ro jeiū im jatū aolep jikin, ilo ad ioon im ekkatak ippān doono, tōmak eo ami, im em̧m̧an eo naaj kobrak eō, kōn itoitak in gospel in im kam̧m̧oolol. Naan in kam̧ool eo am im itoitak in ial in gospel eo am en kōļapļo̧k naan in kam̧ool eo aō im itoitak in iaļ in gospel eo. Kea im mōņōņō eo am, iakwe eo am n̄an im̧we im̧ōn Anij im jukjuk in pād an Armej ro Rekwojarjar, im am̧j meļeļe im mour kōn jepļaaktok eo em̧ool im meram ej kōļapļo̧k tarlep in jepļaaktok eo an gospel in, kōn Jisōs Kraist eo emour ej pād ilo būruwōn. Ippān doon jej lōke, “ilo kōdo̧ im det, Irooj, pād ippa.”44 Ippān doon jejeļā, kōnke obrak ko im kea ko, jemaron̄ bwini kōjeraam̧m̧an ko ad rellōn̄.45 Ilo dipkin in meļeļe ko raan otemjej im men ko reddik im ļam waan, jemaron̄ lo men ko reļļap kar būkitok n̄an mour ko ad.46
“Im enaaj waļo̧k bwe ro rewānōk renaaj kuktok jān ilubwiljin aolep laļ ko, im naaj itok n̄an Zaion, im al kōn al ko in lan̄lōn̄ ejjeļo̧k jem̧ļo̧kin.”47 Ilo iien hosanna im hallelujah, al hallelujah bwe Enaaj peek n̄an indeeo im indeeo! Lamoj hosanna, n̄an Anij im Lam eo! Ilo āt eo ekwojarjar im kwojarjar etan Jisōs Kraist, amen.