Elder Ciro Schmeil

Ritōl Eutiej Jiljilimjuonn̄oul an Kabun̄ in

Elder Ciro Schmeil ekar baj wōt aolep iien kate n̄an pokake Irooj, jekdo̧o̧n ekar jab meļeļe ta unleplep eo an juon kakien. “Ilo ad pokake, ilo ad kōjparok kien ko,” ekar ekkatak, “Irooj enaaj aolep iien kōjeraam̧m̧an kōj.”

Ilo an kakūrm̧ool kūr ko an, ekar lo elōn̄ kōjeraam̧m̧an ko rej itok jān pokake. Ilo an jerbal āinwōt juon bisop im juon stake būreejtōn, ekar ļap an kaorōk iien ko an rem̧m̧an n̄an “lo an armej ro ukot mour ko aer kōn naan in kam̧ool eo aer kōn Rilo̧mo̧o̧r eo im kōn Bok in Mormon.”

Elder Schmeil ekar ļoktak ilo Eprōļ 16, 1971, ilo Ponta Grossa, Paraná, Brazil, n̄an Bruno im Erica Schmeil, erro jim̧or rekar rioktak ro n̄an Kabun̄ in. Ekar rūttoļo̧k ilo Curitiba, Brazil, im ilo iien eo jinen im jemān rekar kūr er n̄an lale Brazil Campinas Mijen, ekar em̧m̧akūt n̄an jerbal ilo Utah Ogden Mijen.

Ke ekar jikuuļ ilo University of Utah, Elder Schmeil ekar ioon Alessandra Machado Louza, juon rijikuuļ ilo Bringham Young University, ilo juon iien nokon. “Ke kōm kar ioon doon ej kab kein kajuon ilo nokon eo, liin ekar lukkuun jujurļo̧k n̄a” ekar ba. Bōtaab n̄an e, ekar kōņaan e jinoin an kar loe.

Rekar m̧are ilo São Paulo Brazil Tampeļ ilo Juļae 1994 im kadedeļo̧k aer jikuuļ ilo Amedka. Rekar bar jepļaakļo̧k n̄an Brazil im pād ie ium̧win 20 iiō ko m̧okta jāņ em̧m̧akūt n̄an Colorado, USA, im tokālik Florida, USA. Elder im Sister Schmeil rej jinen im jemān n̄an ruo ajri.

Elder Schmeil ekar bōk juon bachelor of degree ilo ekkatak ko kōn ekkal jān University of Utah ilo 1995 eo im juon executive master of businss administration degree jān Ohio University ilo 2010. Ekar jerbal ilo Walmart Brasil āinwōt vice būreejtōn im ej juon directior n̄an real estate development, āinwōt juon operating opija in Scopel, āinwōt general manager an Cia City, im kiiō epaak tata āinwōt juon jeban real estate n̄an JBS S.A.

Elder Schmeil eaar jerbal āinwōt juon Eria Jiljilimjuonn̄oul, stake būreejtōn, rikakpilōklōk ilo stake būreejtōnji, bisop, būreejtōn an doulul eo an elder ro, im juon branch būreejtōn.