Steven J. Lund

Būreejtōn eo Eutiej an Doulul eo an Likao ro

Āinwōt juon Būreejtōn eo Eutiej an Doulul eo an Likao ro ekāāl, Steven J. Lund ekar bōk juon jerbal ekwojarjar n̄an jipan̄ tōl bukwi taujin in Priesthood eo an Aron–iiō ko an likao ro ilo Kabun̄ in ipeļaakin laļ in.

Eļan̄n̄e en karenaaj kar pidodo n̄an ioon doon juon illo̧k juon ippān kajjojo iaer, en kar jeļā lukkuun ta eo n̄an an ba: “Erom̧ juon membōr ejeraam̧m̧an ilo aelōn̄ in kiin̄ eo an Anij eban kar kapokpok. Jemedwōj Ilan̄ ej iakwe eok. Kwoj aikuj bar iakwe E. Im eļan̄n̄e jenaaj kōm̧m̧ane menin, jenaaj pād ilo kōjparok im m̧ōņōņō. … Mour ko ad enaaj wōr meļeļeir.”

Kōm̧m̧an jerbal ko an Kabun̄ ilo m̧ool ejjab kōm̧m̧an wōt ilo Jabōt. Ej juon iien em̧man aolep raan, ekkar n̄an attorney eo ekar ukōt pejnej executive.

“Riiti jeje ko rekwojarjar, etal im jar, ukweļo̧k ilo iien eo wōt jej wōtlak, kōpeļļo̧k lon̄iid, im erom̧ juon waanjon̄o̧k an gospel in—en̄in ej karōk eo an Jemādwōj Ilan̄,” ekar ba.

Brother Lund ekar ļotak ilo Oktoba 30, 1953, n̄an Jay im Toy Ellen Lund im rūttoļo̧k jim̧or ilo Ituiōn̄ in California (Santa Rosa) im Iturōk in California (Long Beach), USA. Iien jerbal eo an ilo U.S. Army ekar bar kōrooleļo̧k n̄an Europe, juon laļ eo ekar itok n̄an iakwe ilo iien jerbal eo an ilo Netherlands Amsterdam Mijen.

Ālkin jerbal in tariņae eo an, ekar deļo̧n̄e Brigham Young University, ijo ekar bar ioon Kalleen Kirk, juon jiron̄ eo ekar jeļā kajjien ke ekar jerbal ilo Germany. Steven im Kalleen kar tokālik m̧are ilo Salt Lake Tampeļ ilo O̧kwōj 8, 1980. Rej jinen im jemān emān ajri ro.

Ālikin an kar bōk juon law degree ilo BYU, Brother Lund ekar jerbal āinwōt juon lawyer m̧okta āliktata ekar erom juon būreejtōn im CEO an Nu Skin Enterprises. Kiiō ej juon executive chairman n̄an an board director ro an kom̧bani eo. Ej barāinwōt juon regent an Utah System of Higher Education.

Brother Lund ekar jerbal āinwōt juon būreejtōn n̄an Georgia Atlanta Mijen im āinwōt juon rikajejeiki Kamiti in Aje eo an Provo City Center Tampeļ. Ekar barāinwōt jerbal āinwōt juon uwaan boot eo an Doulul eo an Likao ro im āinwōt juon Eria Jiljilimjuonn̄oul.