Elder Adeyinka A. Ojediran

Ritōl Eutiej Jiljilimjuonn̄oul an Kabun̄ in

Eprōļ 2020 kweilo̧k eo eļap ekar “juon jem̧ļo̧kin juon wiik jeban meļo̧kļo̧ke” n̄an Elder Adeyinka A. Ojediran.

Rioktak in an Kabun̄ in kar rejetake āinwōt juon Ritōl Eutiej Jiljilimjuonn̄oul—ej kab kein kajuon n̄an juon RiNageria im juon West African Armej ro Rekwojarjar. Kam̧oolol eo an eļap im lan̄lōn̄ eo an rekar ļapļo̧k wōt ke Būreejtōn Russell M. Nelson ekar kōjjeļā bwe tampeļ eo kein kajilu ilo Nigeria enaaj ekkal ilo Benin City.

“Ikar jab kōtmene menin,” Elder Ojediran ekar ba, ļap an mejān ettōn̄dikdik. “N̄an ron̄ an rikanaan eo ad ba juon tampeļ enaaj bar ekkal ilo Nigeria ekar kanooj, kanooj kam̧ōņōņō. N̄an n̄an, ekar juon kam̧ool bwe jerbal eo an Irooj em̧ōkaj ilo an wōnm̧aanļo̧k. Kōj wōj aolep eļap ijo koņaad n̄an ad kōpooj ajri ro nejin Anij n̄an Itok eo an Nejin Kein Karuo.”

Ļotak ilo Ibadan, Nigeria, ilo Eprōļ 5, 1967, n̄ab Amos Adeniyi and Caroline Anike Ojediran, Adeyinka Ayodeji Ojediran ekar bōk juon bachelor degree ikkijeen botany ilo University ilo Ilorin in 1991 m̧okta jān an kar tokālik bōk juon master ilo pejnej administartion degree jān Ladoke Akintola Univeristy of Technology. Ekar kōttōpar juon jerbal ikkijeen finance im pejne administartion āinwōt juon ritijem̧ļo̧k ilo lale jāān. Ekar jerbal āinwōt juon mānija in rilale jāān an pejnej n̄an Shell Nigeria m̧okta jān kūr eo an āinwōt juon Ritōl Eutiej.

Jilu iiō ko ālikin an kar peptaij, ekar ioon Olufunmilayo Omolola Akinbebije ilo juon m̧akūtkūt in ikitōltōl. Rein ruo rekar āliktata jino aer m̧ōttāik doon, bōtaab kōn jerbal ilo jikin ko rooktak kar meļeļe in “kōm kar tōpar doon wōt kōn talboon.”

Rein ruo āliktata kar m̧are ilo Nigeria ilo 1998 eo im kar liāp ilo Johannesburg South Africa Tampeļ ilo Nobōm̧ba 14, 2002. Ojediran ro ewōr juon nejier leddik.

Elder Ojediran ej kam̧m̧oolol kōn aolep kūr an Kabun̄ ekar būki jān ke ekar kobatok ilo Kabun̄ in 1990 eo ke ekar 23. Kajjojo ijjitōn̄ an ritōl kabun̄ ekar jipan̄ e eddōkļo̧k im kar leļo̧k n̄an e iien ko rem̧m̧an rekwojarjar n̄an jipan̄ ro jet eddōkļo̧k ilo kūr ko aer make im eddo ko.

Elder Ojediran, jerbal āinwōt juon Eria Jiljilimjuonn̄oul ilo iien eo kūr eo an, ekar barāinwōt jerbal āinwōt juon rikakpilōklōk ilo mijen būreejtōnji, stake būreejtōn, rikakpilōklōk ilo stake būreejtōnji, bisop, rikakpilōklōk ilo bisoprik, im branch būreejtōn.