Elder Kelly R. Johnson

Ritōl Eutiej Jiljilimjuonn̄oul an Kabun̄ in

Elder Kelly R. Johnson em̧m̧an an keememejļo̧k raan eo kar kūri āinwōt juon bisop ke ekar 31 iiō dettan. Ejja raan eo wōt ekar nan̄inmej in mij rājet in mejen—juon jekjek eo me m̧ajeļ ko ilo jait eo juon ilo mejam̧ ej mej im m̧ōjņo̧ļo̧k.

Ekar juon iien epen, ejjab kōn wōt an abōņōņō im kajokook ekar waļo̧k kōn nan̄inmej in ak barāinwōt eddo ko rellōn an rekāāl. Ak iien eo epen ekar erom juon kōjeraam̧m̧an.

“Jab jeļā ta eo jekjek eo enaaj kar ilo juon tōre aitok kitien, ikar ejake juon meanwōd n̄an kajjojo me ekar pād ippa ilo aolepān mour eo aō,” ekar ba. “Ikar lukkuun ekkatak bwe armej ro rej dibuk men ko reppen im kabūrorm̧ōjm̧ōj rejjab maron̄ kojbwebweik an jelet maron̄ ko aer, en̄jake ko, im lōke eo.”

Ilo iien ko, ejjab jejjōt n̄an jerbal ilo Kabun̄ eo an Irooj. Ak āinwōt rijilōk ro an Rilo̧mo̧o̧r “e m̧ōkaj aer ilo̧k jān ok ko aer” (Matu 4:20) n̄an ļoor E, “jabdewōt men eo kar kajjitōk ippād n̄an kōm̧m̧ane, jej m̧ōņōņō n̄an kōm̧m̧ane,” Elder Johnson ekar ba.

Jekdo̧o̧n ia eo Irooj ej kūr e im baam̧le eo an, rej etal kōn bōro ko im ļōmņak ko rem̧ōņōņō, kappukot n̄an lo em̧m̧an eo jekdo̧o̧n jekjek ko rej pād ie.

Kelly Ray Johnson ekar ļotak ilo Pleasant View, Utah, ilo Jānode 16, 1963, jān Harold Raymond Johnson Jr. im Helen Cragaun Johnson. Ekar rūttoļo̧k ilo Ogden, Utah, im m̧areik Terressa Lynn Bartrum ilo Salt Lake City Tampeļ ilo March 27, 1986. Ewōr ļalem nejier ajri ro.

Elder Johnson ekar kadiwōjļo̧k jān Weber State Univeristy ilo 1987 kōn juon degree ilo bachelor of science ilo accounting im bōk master degree pejnej administration jān Bringham Young University ilo 1989. Ekar jerbal āinwōt juon forensic accountant n̄an KPMG International Cooperative im ilo raan kein kar jerbal āinwōt juon forensic account im partner n̄an Norman, Townsend, im Johnson.

Elder Johnson, eo ekar jerbal āinwōt juon Eria Jiljilimjuonn̄oul ilo iien eo ekar bōk kūr eo an, ekar jerbal āinwōt juon mijen būreejtōn ilo Thailand Bangkok Mijen, ijo ekar jerbal āinwōt juon mijinede aolep raan, im āinwōt juon stake būreejtōn, rikakpilōklōk ilo stake būreejtōnji, juon high ko̧o̧njeļ, bisop, būreejtōn n̄an doulul eo an elder ro, ward mijen leader, im rūkaki n̄an kūlaaj in kōppopo eo an mijenede ilo stake.