BWEBWENATO KO AN IJO JOKWE IE
Ļotak jān Jinen im Jemān Rem̧m̧an
Jān aolep katak ko jinō im jema rekar katakin eō ilo aolepān mour eo aō, ej waanjon̄ak eo aer me ekar katakin eō eļap tata.
Jinō, Linda Obeketang, ej juon kōrā eo ekajoor im māletlet im ej tōl baam̧le eo am ilo jim̧we.
Ium̧win elōn̄ iiō ko jinō ekar kanooj lale bwe baam̧le eo am en koba aolep jibbon̄ im aolep bon̄ n̄an jar ko an baam̧le. Bōk koņaam ilo wūjlepļo̧k in n̄an Anij ekar katakin eō n̄an oktakļo̧k n̄an E ilo aolep men, kōnke en̄in ej ta eo kōm kijon̄ kōm̧m̧ane aolep iien. Ekar katakin eō bwe E ej ron̄jake im ej iakwe eō. Jar ko am raan otemjeļo̧k ej karuwaineneiktok Jetōb eo n̄an m̧weo im̧ōm im jipan̄ kōm bōk juon raan em̧m̧an.
Kam̧m̧oolol kōn niknik im tōmak eo an jinō, jar ejjab juon men me ij aikuj n̄an kakeememej eō make n̄an kōm̧m̧ane, ej juon iminene ejim̧we me inaaj mour kake n̄an n̄e irūtto im ij kanooj kam̧m̧oolol jinō kake.
Al in būraimere eo, ‘A Childs Prayer’ ej itok n̄an kōļmenļo̧kjeņ e aō n̄e ij ļōmņak kōn jinō.
‘Jar, E ej pād. Kōnono, E ej ron̄jake’.
Menin ej juon katak eo eļam waan me ijeļā ke em̧ool. Jinō eaar barāinwōt katakin kōm kōn jar jān naan ko an, bōtaab kōm̧m̧an ko an rekar kōm̧m̧an bwe katak ko an ren pād wōt ilo kōļmenļo̧kjeņ eo aō.
Jema, Hirobo Obeketang, elakkar baj wōt ellowetak kōn jerbal in jipan̄. Aolep jikin ej etal ie ļo̧k ej kappukot armej ro me rej aikuj im m̧ōkaj an jibadōkļo̧k er.
Ilo raan in keemem eo an iiō eo ļo̧k, ekar kāālet n̄an leļo̧k menin leļo̧k ko ijello̧k an būki. Ekar kāālet n̄an leļo̧k menin leļo̧k ko n̄an jet em̧m̧aan ro m̧e ejjeļo̧k jikin aer jokwe ro me rej jokwe ilo kepoon in iaļ ko. Bon̄ōn eo kōm kar etal n̄an juon im̧ōn m̧ōn̄ā n̄an kōjota. Ālkin am m̧ōn̄ā ilo m̧ōn m̧ōn̄ā eo, ekar lo ruo ļōļļap rej bar m̧ōn̄ā ijo im ilo ittiņo̧ ekar etal im kōļļāik m̧ōn̄ā ko kijeerro. Ekkā aō loe an kōm̧m̧ane kain rōt in aolep iien.
Āinwōt juon armej eo ejokook im pen an ekōnono n̄an ro ejjab jeļā kajjier, jema ekar kwaļo̧k n̄an n̄a lan̄lōn̄ eo me ej itok jān jerbal in jipan̄ ilo an jab ļōmņak kōn e make. Ilo aer kar katakin kōn jipan̄ ekar jab bwe n̄a juon armej eo ejokook āinwōt n̄a; ikar aikuj lo waanjon̄ak ko im en̄jake āinwōt ta eo me jema ekar kōm̧m̧ane.
Al eo, ‘Have I Done Any Good?’ ekōm̧m̧an bwe in ļōmņake jema, eļaptata eoon eo āliktata,
‘Kōm̧m̧an em̧m̧an ekamōņōņō, juon lan̄lōn̄ eļap jān jon̄an, juon kōjeram̧man . . .
Jema ej juon eo ejjab ninik ilo Kabun̄ in ilo tōrein ak aolep iien ej jipan̄ ilo an jab ļōmņak kōn e make, N̄aij lo an meramļo̧k. Ijeļā ke ej en̄jake Jetōb; Imaron̄ loe ilo turin mejān. N̄aij lo eļap iakwe ippān n̄an armej ro ipeļaakin im ijeļā kōn iakwe in, im jetōb in me ej en̄jake n̄e ej jipan̄, enaaj bar tōl e tok n̄an gospel in.
N̄e jej ļo̧o̧r waanjon̄ak eo an Rilo̧mo̧o̧r im kōm̧m̧an āinwōt An kar kōm̧man, Jetōb eo enaaj ļapļo̧k an maron̄ kam̧ool n̄an kōj kōn mool eo an. N̄aij kam̧m̧oolol kōn jinō im jema ro eļap iakwe ippāerro ro rekar katakin eō n̄an jar im n̄an jipan̄ kōn waanjon̄ak ko aer.