Mau tauira’a i roto i te mau ve’a a te ’Ēkālesia

E tupu te mau tauira’a rahi i roto i te mau ve’a a te ’Ēkālesia e ha’amata i te ’āva’e Tēnuare 2021. E riro te Liahona ’ei ve’a nō te feiā tai’o ta’ata pa’ari, ma te hōro’a hō’ē ve’a nō te mau ta’ata pa’ari nā te ao ato’a nei. E roa’a te mau ve’a nō te feiā ’āpī ’e te mau tamari’i, ’ei mau nene’ira’a ti’amā, e roa’a te reira nā te ao tā’āto’a nei. E nā te nene’ira’a i roto i te roro uira ’e te mau mātēria e hāmanihia i te fenua iho, e fa’arahi atu ’e e ha’amaita’i atu i te mau ’ite ’e te mau rāve’a tauturu o te ’evanelia e roa’a i te mau melo o te ’Ēkālesia ati a’e te ao nei.

E fa’a’orehia te i’oa Ensign ’e e parauhia te ve’a a te feiā ’āpī i teienei Nō te pūai o te feiā ’āpī (e mono i te New Era), e vai noa te Friend ’ei upo’o parau nō te ve’a nō te mau tamari’i.

E hōro’a mai teie mau fa’atanora’a i ni’a i te mau ve’a e rave rahi mau maita’i i te feiā mo‘a i te mau mahana hope’a nei ’āti a’e te ao ne:

Nō te taime mātāmua, e nehenehe te mau ’utuāfare i rāpae i te mau fenua reo Peretāne e ho’o mai i te mau ve’a, nō te mau tamari’i ’e te feiā ’āpī iho ā rā.
I roto i te tahi mau fenua ’e te tahi mau reo, e nene’ihia te tāpura ’ohipa hau atu i te pinepine i tei ma’iri ra.
E fāri’i te ’utuāfare o te ’Ēkālesia nā te ao ato’a nei i teie ato’a mau parau poro’i fa’atāhō’ē nā roto i te mau ve’a o te ao ato’a nei.