Ono hiero ’āpī tei fa’aarahia

E ono hiero ’āpī tei fa’aarahia ’e te peresideni Russell M. Nelson i roto i te tuha’a purera’a o te avatea Sābati o te ’āmuira’a rahi. ’Ua fa’aarahia te mau hiero nō:

• Tarawa, Kiribati. Kiribati, ’o te hō’ē ïa fenua e 32 ta’a motu i roto i te moana patifita i pīha’i iho i te rēni tai’o mahana nō te ao ato’a nei.

• Port Vila, Vanuatu. Vanuatu, hō’ē ïa fenua fātata e 80 ta’a motu i Patifita apato’a.

• Lindon, Utah, Hau ’Āmui nō Marite. Te vai ra Lindon fātata e 40 maile (64 km) i te pae apato’a o te ’oire nō Roto Miti.

• Greater Guatemala City, Guatemala Fātata roa ’o Guatemala, i Amerika rōpū, e fāri’i e maha hiero.

• São Paulo, Peretīria ’O teie ïa te 12ra’a o te hiero tei fa’aarahia nō Peretīria.

• Santa Cruz, Bolivia. ’O te piti ïa teie o te hiero i roto i te fenua Amerika apato’a.

Mai te taime ’a riro mai ai ’oia ’ei peresideni nō te ’Ēkālesia i te matahiti 2018, ’ua fa’aara te peresideni Nelson i te patura’a o te mau hiero ’āpī e 49. I teie nei, e 230 hiero tā te ’Ēkālesia tei fa’aarahia, tei roto i te patura’a, ’aore rā, te tere nei.