Fa’anahora’a nā ni’a i te natirara nō te mau tāpura i’oa nō te pure o te hiero

’Ua hāmanihia te hō’ē fa’anahora’a natirara ’ia ti’a i te mau melo ’ia hāpono i te mau i’oa o te ’utuāfare ’aore rā, o te mau hoa i te hiero, ’ia tu’uhia te reira mau i’oa i ni’a i te tāpura i’oa nō te pure. E nehenehe i teienei e fa’atae i te mau anira’a ’ia tu’u i te hō’ē i’oa i ni’a i te tāpura i’oa nō te pure o te hiero nā roto i te haerera’a i ni’a i te ’api ha’amāramaramara’a o te mau huru hiero ato’a, i ni’a i te ChurchofJesusChrist.org/temples ’e i te patara’a i te reni natira’a nō te tāpura i’oa nō te pure. E nehenehe ato’a e fa’atae i te mau anira’a nā roto i te pene ’o « Te mau hiero » o te mau mauha’a ’āfa’ifa’i a te melo. ’Ia oti te mau i’oa i te patapatahia, e hāponohia te reira i taua hiero ra (’aore rā i te hiero fātata a’e, e tere ra).

Tē pure nei te mau melo nō te mau ha’apa’ora’a e rave rahi nō tei herehia ’e nō vetahi ’ē e vai ra i roto i te ma’i ’aore rā, i te tahi atu huru fifi. Tē fa’a’ite nei te mau pāpa’ira’a mo’a e rave rahi hi’ora’a nō te mau taime a pure ai Iesu Mesia i roto i te mau pupu ’e a fa’aitoito ai i te feiā i reira ’ia pure. Tē rave-ato’a-hia nei te reira ’ohipa i roto i te hiero, i reira te mau melo, ma te hō’ē i roto i te fa’aro’o ’e te pure, e ani ai i te Atua ’ia ha’amaita’i i te mau ta’ata tei roto tō rātou i’oa i te mau tāpura i’oa nō te pure.