Dali, Sunod Kanako
Pagbuntog sa Oposisyon
Doktrina ug mga Pakigsaad 71–75
Hunyo 28–Hulyo 4
Paghulagway ni Dan Burr
Ang pagpadayag diha sa Doktrina ug mga Pakigsaad 71 nagsulti ni Joseph Smith ug ni Sidney Rigdon sa pag-adto ug pagsangyaw sa paningkamot aron mahupay ang dili mahigalaong mga pagbati nga mitumaw batok sa Simbahan tungod sa mga pagsaway gikan sa mga miyembro kinsa nawad-an sa ilang hugot nga pagtuo. Kapin sa 100 ka tuig ang milabay, si Elder Spencer W. Kimball sa Korum sa Napulog Duha ka mga Apostoles adunay susama nga kasinatian nga nagsangyaw agig pagdepensa sa Simbahan.
Pagbisita ni Elder Kimball sa Ecuador
Atol sa pagbisita sa Otavalo, Ecuador, niadtong 1965, si Elder Kimball misulti sa mga misyonaryo sa pagpresentar sa Basahon ni Mormon ngadto sa mga lumad sa mga taga Otavalo. Apan, ang mga misyonaryo nakasugat og pagsupak sa dihang ang mga taga Otavalo misugod sa pagpakatap og mga bakak mahitungod kanila diha sa duol nga mga balangay, ug ang mga misyonaryo nanlimbasog sa pagbuntog sa mga bakak.
Paglabay sa duha ka tuig, miapil si Elder Kimball sa pipila ka mga miyembro ug misyonaryo sa usa ka miting nga duol sa usa ka lokal nga hununganan sa bus. Samtang ang lokal nga mga residente manganaog sa bus, ang mga misyonaryo midapit kanila nga maminaw gikan sa buhi nga Apostol ni Jesukristo. Sa wala madugay, mga 20 ka tawo ang mipundok. Samtang gisugdan na sa mga misyonaryo ang ilang miting, ang mga tawo nagkadaghan ngadto na sa kapin sa 100.
Dayon si Elder Kimball namulong. Siya misulti kabahin sa pag-anhi ni Jesukristo sa Amerika. Mitudlo siya sa langit ug namulong kabahin sa hinay, hinagawhaw nga tingog gikan sa kalangitan nga mipahibalo sa pagpakita sa Anak sa Dios, sama sa makita diha sa Basahon ni Mormon. Nahinumdom si Elder Kimball, “Matag mata misunod sa akong paghangad sa langit nga daw ang Manluluwas aktwal nga migawas sa nipis nga mga panganod.”1
Human niini, ang mga misyonaryo mipadayon sa pagpaningkamot sa pagtudlo sa mga taga Otavalo. Ang mga sister nga misyonaryo mitudlo sa usa ka tawo nga ginganlan og Rafael Tabango, kinsa nabunyagan niadtong Hulyo 14, 1968—ang unang lumad nga taga Otavalo nga Santos sa Ulahing mga Adlaw. Iyang asawa, si Teresa, mipasakop usab sa Simbahan. Wala dangti og 15 ka tuig sa wala madugay, usa ka stake naorganisar sa Otavalo, diin si Brother Tabango natawag isip unang patriyarka niini.