Dali, Sunod Kanako

Gitawag sa Ginoo

Doktrina ug mga Pakigsaad 77–80

Sama ni Jared Carter ug Stephen Burnett (tan-awa sa Doktrina ug mga Pakigsaad 79 ug 80), ang mga misyonaryo sa modernong panahon nagkinahanglan usab og usa ka saksi nga sila gitawag sa Ginoo.

Liboan ka misyonaryo nausab ang ilang mga mission call tungod sa coronavirus. Sama pananglit, si Curtis ug Ramona Miller gi-reassign sa lahi nga misyon tungod sa virus. Sila mipamatuod: “Kami adunay lig-on nga pagpamatuod nga dili kini igsapayan kon asa kami moserbisyo apan nga kami andam sa pagserbisyo. Kon among tugotan ang kamot sa Manluluwas nga mogiya sa among kinabuhi, Siya mopasarang kanamo alang niini nga buhat.”

Jared Carter (1801–49)

• Gibunyagan ni Hyrum Smith niadtong 1831 sa Colesville, New York.

• Misangyaw didto sa Ohio, Pennsylvania, New York, ug Vermont niadtong 1831 ug 1832.

• Miadto sa Hiram, Ohio, aron mangutana kang Joseph Smith kon unsa ang kabubut-on sa Ginoo alang kaniya.

• Nakadawat si Joseph Smith og pagpadayag nga nagsugo kaniya sa pagsangyaw pag-usab sa silangang Estados Unidos (tan-awa sa Doktrina ug mga Pakigsaad 79).

Stephen Burnett (1813–85)

• Gibunyagan ni John Murdock niadtong 1830 sa Warrensville, Ohio.

• Gi-orden nga high priest sa edad nga 17.

• Gitudlo nga mosangyaw uban ni Eden Smith (tan-awa sa Doktrina ug mga Pakigsaad 80:2), apan nasakit si Eden.

• Misugod hinoon sa iyang misyon uban sa amahan ni Eden, si John Smith.

Curtis ug Ramona Miller

• Nagtan-aw sa mga kapilian sa website sa senior nga misyonaryo sa Simbahan, mipili ang mga Miller og walo ka posible nga mga dapit—kadaghanan niini anaa sa Polynesia ug Europe.

• Miabot ang ilang tawag aron moserbisyo sa Democratic Republic of Congo.

• Nagkinahanglan sila nga magkat-on og French.

• Human sa tulo ug tunga ka bulan sa Africa, ang mga Miller gi-reassign nga moserbisyo sa Georgia, USA, tungod sa COVID-19.