« ព្រះវិហារបរិសុទ្ធ និងគ្រឹះខាងវិញ្ញាណរបស់បងប្អូន » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
សម័យប្រជុំព្រឹកថ្ងៃអាទិត្យ
ព្រះវិហារបរិសុទ្ធ និងគ្រឹះខាងវិញ្ញាណរបស់បងប្អូន
ការដកស្រង់
ខ្ញុំនឹងមិនខ្វះអ្វីសោះ ដោយ យ៉ុងស៊ុង គីម
ការដ្ឋានសំណង់ព្រះវិហារបរិសុទ្ធនៅ សលត៍ លេក
ដូចដែលបងប្អូនបានជ្រាបហើយថា យើងកំពុងតែជួសជុលផ្នែកសំខាន់ៗនៃព្រះវិហារបរិសុទ្ធប្រវត្តិសាស្រ្តនៅទីក្រុងសលត៍ លេក ។ …
យើងខិតខំគ្រប់បែបយ៉ាងដើម្បីធ្វើឲ្យគ្រឹះព្រះវិហារបរិសុទ្ធដ៏គួរឲ្យគោរព ដែលកាន់តែ ចាស់ៗទៅ មួយនេះ ដែលនឹងនៅឈរធន់នឹងកម្លាំងនៃធម្មជាតិរហូតដល់សហស្សវត្សរ៍ ។ ដូចគ្នានេះដែរ ឥឡូវដល់ពេលដែលយើងម្នាក់ៗត្រូវអនុវត្តនូវវិធានការដ៏អស្ចារ្យ—ប្រហែលជាវិធានការដែលយើងពុំធ្លាប់ធ្វើពីមុនមក—គឺជាការពង្រឹងគ្រឹះ ខាងវិញ្ញាណផ្ទាល់ខ្លួន របស់យើង ។ យើងត្រូវប្រើវិធីសាស្រ្តថ្មីៗដើម្បីដោះស្រាយការលំបាកសម័យថ្មី ។
បងប្អូនប្រុសស្រីជាទីស្រឡាញ់ សម័យនេះ គឺជា សម័យចុងក្រោយហើយ ។ បើសិនបងប្អូន និងខ្ញុំត្រូវយកឈ្នះលើគ្រោះថ្នាក់ និងសម្ពាធនានាក្នុងពេលខាងមុខ នោះវាចាំបាច់ណាស់ដែលយើងម្នាក់ៗត្រូវមានគ្រឹះ ដ៏រឹងមាំ ខាងវិញ្ញាណ ដែលសង់នៅលើគ្រឹះនៃព្រះអង្គសង្រ្គោះ ដែលជាព្រះយេស៊ូវគ្រីស្ទរបស់យើង ។
ដូច្នេះ ខ្ញុំសូមសួរទៅកាន់បងប្អូនម្នាក់ៗថា « តើគ្រឹះ របស់បងប្អូន រឹងមាំប៉ុណ្ណាដែរ ? ហើយតើបងប្អូនត្រូវការការពង្រឹងទីបន្ទាល់ឡើងវិញ និងការយល់ដឹងពីដំណឹងល្អអ្វីខ្លះ ?
ព្រះវិហារបរិសុទ្ធគឺជាផ្នែកដ៏សំខាន់បំផុតក្នុងការពង្រឹងសេចក្តីជំនឿ និងភាពរឹងមាំខាងវិញ្ញាណរបស់យើង ពីព្រោះព្រះអង្គសង្រ្គោះ និងគោលលទ្ធិរបស់ទ្រង់គឺជាផ្នែកដ៏សំខាន់បំផុតនៃព្រះវិហារបរិសុទ្ធ ។ …
ប្រសិនបើបងប្អូនពុំទាន់មានចិត្តស្រឡាញ់ព្រះវិហារបរិសុទ្ធនៅឡើយទេ សូមទៅឲ្យបានញឹកញាប់—កុំកាត់បន្ថយការទៅឡើយ ។ សូមឲ្យព្រះអម្ចាស់បង្រៀន និងបំផុសគំនិតដល់បងប្អូននៅទីនោះ តាមរយៈព្រះវិញ្ញាណរបស់ទ្រង់ ។ …
សូមជឿខ្ញុំចុះពេលខ្ញុំនិយាយថា ពេលគ្រឹះខាងវិញ្ញាណរបស់បងប្អូនត្រូវបានសង់យ៉ាងរឹងមាំលើព្រះយេស៊ូវគ្រីស្ទ នោះបងប្អូន មិនត្រូវភ័យខ្លាចឡើយ ។ នៅពេលបងប្អូនមានភក្ដីភាពចំពោះសេចក្ដីសញ្ញា ដែលបងប្អូនបានធ្វើនៅក្នុងព្រះវិហារបរិសុទ្ធ នោះព្រះចេស្ដារបស់ទ្រង់នឹងពង្រឹងដល់បងប្អូន ។ បន្ទាប់មក ពេលការរញ្ជួយដីខាងវិញ្ញាណកើតឡើង នោះបងប្អូននឹងអាចឈរ យ៉ាងរឹងមាំ ដោយសារគ្រឹះខាងវិញ្ញាណរបស់បងប្អូនរឹងមាំ ហើយនឹងន ។