« សេចក្តីអាណិតអាសូរដ៏អង្វែងរបស់ព្រះអង្គសង្គ្រោះ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
សម័យប្រជុំព្រឹកថ្ងៃសៅរ៍
សេចក្តីអាណិតអាសូរដ៏អង្វែងរបស់ព្រះអង្គសង្គ្រោះ
ការដកស្រង់
គោលការណ៍ដ៏សំខាន់បំផុតមួយដែលបានបង្រៀនដោយព្រះអង្គសង្គ្រោះ អំឡុងការងារបម្រើលើផែនដីរបស់ទ្រង់គឺការប្រព្រឹត្តចំពោះអ្នកដទៃដោយសេចក្តីអាណិតអាសូរ ។ …
… ព្រះអង្គសង្គ្រោះបានប្រព្រឹត្តដោយសេចក្តីអាណិតអាសូរចំពោះអស់អ្នកដែលបានមករកទ្រង់—ដោយគ្មានការបែងចែក—ជាពិសេសចំពោះអស់អ្នក ដែលត្រូវការជំនួយបំផុតពីទ្រង់ ។ …
… តាមពិតទៅ ការបង្ហាញនៃសេចក្តីអាណិតអាសូរទៅកាន់អ្នកដទៃគឺជាសារសំខាន់នៃដំណឹងល្អរបស់ព្រះយេស៊ូវគ្រីស្ទ ហើយជាភស្តុតាងសម្គាល់មួយនៃភាពស្និទស្នាលខាងវិញ្ញាណ និងអារម្មណ៍របស់យើងចំពោះព្រះអង្គសង្គ្រោះ ។ …
… មនុស្សជាច្រើនក្នុងរង្វង់នៃឥទ្ធិពលរបស់យើងកំពុងស្វែងរកការលួងលោម ការយកចិត្តទុកដាក់ ការរាប់អាន និងជំនួយទាំងឡាយ ដែលយើងអាចផ្តល់ឲ្យដល់ពួកគេ ។ យើងក៏អាចធ្វើជាឧបករណ៍នៅក្នុងព្រះហស្ដរបស់ព្រះអម្ចាស់ និងប្រព្រឹត្តដោយក្តីអាណិតអាសូរចំពោះអ្នកដែលមានតម្រូវការផងដែរ គឺដូចជាព្រះយេស៊ូវគ្រីស្ទបានធ្វើដែរ ។ …
… យើងមិនគួរវិនិច្ឆ័យអាក្រក់ និងឃោរឃៅចំពោះអ្នកជិតខាងរបស់យើងទេ ពីព្រោះយើងទាំងអស់គ្នាត្រូវការការយោគយល់ និងព្រះទ័យមេត្តាករុណាចំពោះភាពមិនល្អឥតខ្ចោះរបស់យើងពីព្រះវរបិតាសួគ៌ជាទីស្រឡាញ់របស់យើង ។ …
មិត្តជាទីស្រឡាញ់អើយ ខ្ញុំសូមថ្លែងទីបន្ទាល់ថា នៅពេលយើងព្យាយាមដាក់គំរូដែលពេញទៅដោយក្ដីអាណិតអាសូររបស់ព្រះអង្គសង្គ្រោះក្នុងជីវិតរបស់យើង នោះសមត្ថភាពរបស់យើងក្នុងការសរសើរគុណធម៌របស់អ្នកជិតខាងរបស់យើងនឹងចម្រើនឡើង ហើយសភាវគតិធម្មជាតិរបស់យើងដើម្បីវិនិច្ឆ័យភាពមិនល្អឥតខ្ចោះរបស់ពួកគេ នឹងថយចុះ ។ ការរួបរួមរបស់យើងជាមួយព្រះនឹងរីកចម្រើនឡើង ហើយប្រាកដណាស់ ជីវិតរបស់យើងនឹងកាន់តែផ្អែមល្ហែម អារម្មណ៍របស់យើងកាន់តែទន់ភ្លន់ ហើយយើងនឹងរកឃើញប្រភពនៃសុភមង្គលមួយដែលមិនចេះចប់ ។ យើងនឹងត្រូវបានស្គាល់ថាជាអ្នកផ្សះផ្សា ជាពាក្យដែលទន់ភ្លន់ដូចទឹកសន្សើមនៅពេលព្រឹកព្រលឹមនានិទាឃរដូវ ។