« ឈ្មោះរបស់សាសនាចក្រពុំអាចចរចារផ្លាស់ប្ដូរបានទេ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
សម័យប្រជុំរសៀលថ្ងៃអាទិត្យ
ឈ្មោះរបស់សាសនាចក្រពុំអាចចរចារផ្លាស់ប្ដូរបានទេ
ការដកស្រង់
នៅក្នុងសន្និសីទសារព័ត៌មាននៅថ្ងៃទី ១៦ ខែ សីហា ឆ្នាំ ២០១៨ ប្រធាន រ័សុល អិម ណិលសុន បានថ្លែងថា « ព្រះអម្ចាស់បានបំផុសគំនិតខ្ញុំអំពីសារៈសំខាន់នៃឈ្មោះដែលទ្រង់បានបើកសម្ដែងសម្រាប់សាសនាចក្ររបស់ទ្រង់ គឺសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ » [ « The Name of the Church » ថ្ងៃទី ១៦ ខែ សីហា ឆ្នាំ ២០១៨ នៅលើគេហទំព័រ newsroom.ChurchofJesusChrist.org ] ។ …
សំណួរដ៏ល្អមួយបានលេចឡើង ៖ ហេតុអ្វីឥឡូវនេះ កាលដែលយើងបានប្រើឈ្មោះហៅក្រៅ « មរមន » នេះអស់រាប់ទសវត្សរ៍មកហើយនោះ ? ចុះ « ក្រុមចម្រៀងរោងឧបោសថមរមន » វីដេអូពាណិជ្ជកម្ម « ខ្ញុំជាពួកមរមន » ចម្រៀងអង្គការបឋមសិក្សា « I Am a Mormon Boy ( ខ្ញុំជាកុមារាមរមន ) » នោះ ?
គោលលទ្ធិនៃព្រះគ្រីស្ទពុំអាចផ្លាស់ប្ដូរបាននោះទេ ហើយវាអស់កល្បអស់កាលជានិច្ច ។ ប៉ុន្ដែជំហានដ៏ជាក់លាក់ និងសំខាន់នៃកិច្ចការរបស់ព្រះអង្គសង្គ្រោះ ត្រូវបានបើកសម្ដែងនៅក្នុងពេលដ៏ត្រឹមត្រូវរបស់វា ។ …
សូមអរគុណដល់បងប្អូនសម្រាប់ការខិតខំដ៏ប្រពៃរបស់បងប្អូន ដើម្បីបង្កើនការប្រើឈ្មោះពិតរបស់សាសនាចក្រ ។ …
ព្រះអម្ចាស់បានពង្រីកដល់ការខិតខំរបស់យើង ក្នុងការកែសម្រួលឈ្មោះដែលគេហៅសាសនាចក្រជាយូរមកហើយនោះ ។ …
មានពួកបរិសុទ្ធថ្ងៃចុងក្រោយរាប់រយម៉ឺននាក់ ដែលបានប្រកាសដោយសេចក្ដីក្លាហានពីឈ្មោះរបស់សាសនាចក្រ ។ នៅពេលយើងធ្វើចំណែករបស់យើង នោះអ្នកដទៃនឹងធ្វើតាម ។ …
« ឈ្មោះរបស់សាសនាចក្រពុំអាចចរចារផ្លាស់ប្ដូរបានទេ » ។ ចូរយើងឆ្ពោះទៅមុខដោយសេចក្តីជំនឿ ។ នៅពេលយើងស្ម័គ្រចិត្តធ្វើតាមដំបូន្មានរបស់ព្រះអម្ចាស់ដូចដែលបានបង្ហាញតាមរយៈព្យាការីនៅរស់របស់ទ្រង់ ដែលតម្រូវឲ្យមានភាពរាបទាប និងការលះបង់ ជាពិសេសទោះជាវាផ្ទុយនឹងការគិតដំបូងរបស់យើងក្ដី នោះព្រះអម្ចាស់ប្រទានពរដល់យើងដោយមាននូវថាមពលខាងវិញ្ញាណបន្ថែម ហើយបញ្ជូនទេវតារបស់ទ្រង់មកគាំទ្រយើង និងឈរនៅក្បែរយើង ។ យើងទទួលបានការបញ្ជាក់ពីព្រះអម្ចាស់ និងការយល់ព្រមពីទ្រង់ ។