« រឿងទាំងឡាយនៃព្រលឹងខ្ញុំ » ដើម្បីកម្លាំងនៃយុវជន ខែ តុលា ឆ្នាំ ២០២២ ។
សម័យប្រជុំរសៀលថ្ងៃសៅរ៍
រឿងទាំងឡាយនៃព្រលឹងខ្ញុំ
ការដកស្រង់
យុវវ័យតែងតែសួរខ្ញុំពីអ្វីដែលខ្ញុំជឿ ហើយហេតុអ្វីខ្ញុំជឿ ។ …
តើខ្ញុំអាចចែករំលែកនូវរឿងមួយចំនួននៃព្រលឹងខ្ញុំជាមួយបងប្អូនបានដែរឬទេ ? រឿងទាំងនេះអនុវត្តចំពោះមនុស្សណាដែលខិតខំដើម្បីធ្វើជាសិស្សពិតរបស់ព្រះយេស៊ូវគ្រីស្ទ ។ …
ទីមួយ គឺស្រឡាញ់ព្រះជាព្រះវរបិតាសួគ៌ និងព្រះយេស៊ូវគ្រីស្ទ ដែលជាព្រះអង្គសង្គ្រោះរបស់យើង ។ …
ទីពីរ « ត្រូវឲ្យស្រឡាញ់អ្នកជិតខាង » [ ម៉ាថាយ ២២:៣៩ ] ។ …
ទីបី ស្រឡាញ់ខ្លួនឯង ។
នេះគឺជាចំណុចមួយដែលមនុស្សភាគច្រើនមានបញ្ហា ។ តើវាមិនគួរឲ្យចាប់អារម្មណ៍ទេឬអី ដែលការស្រឡាញ់ខ្លួនឯង ហាក់ដូចជាមិនសូវងាយស្រួលជាងការស្រឡាញ់អ្នកដទៃនោះ ? ទោះយ៉ាងណា ព្រះអម្ចាស់មានបន្ទូលថា « ត្រូវឲ្យស្រឡាញ់អ្នកជិតខាងដូចខ្លួនឯង » [ ម៉ាថាយ ២២:៣៩ ] ។ ទ្រង់ឲ្យតម្លៃដល់ទេវភាពដែលមានក្នុងយើង ហើយយើងត្រូវតែឲ្យតម្លៃខ្លួនយើងដូច្នេះដែរ ។ នៅពេលយើងមានបន្ទុកធ្ងន់ទៅដោយកំហុស ការឈឺចាប់ អារម្មណ៍មិនល្អគ្រប់គ្រាន់ ការខកចិត្ត កំហឹង ឬអំពើបាប នោះតាមរយៈការរៀបចំរបស់ទេវភាព អំណាចនៃដង្វាយធួនរបស់ព្រះអង្គសង្គ្រោះគឺជារឿងមួយដែលអាចជួយលើកស្ទួយដល់ព្រលឹងវិញ្ញាណបាន ។
ទីបួន ចូរធ្វើតាមព្រះបញ្ញត្តិទាំងឡាយ ។ …
ទីប្រាំ សូមមានភាពស័ក្តិសមជានិច្ច ដើម្បីចូលព្រះវិហារបរិសុទ្ធ ។ …
ទីប្រាំមួយ មានអំណរ និងរីករាយ ។ …
ទីប្រាំពីរ ការធ្វើតាមព្យាការីនៅរស់របស់ព្រះ ។
នេះជាចំណុចទីប្រាំពីរនៅក្នុងបញ្ជីរបស់ខ្ញុំ ប៉ុន្តែវាស្ថិតក្នុងគំនិតខ្ញុំខ្លាំងជាងគេ ដោយសារវាមានសារៈសំខាន់នៅពេលបច្ចុប្បន្ននេះ ។
យើងមានព្យាការីម្នាក់នៃព្រះនៅលើផែនដីសព្វថ្ងៃនេះ ! សូមកុំបន្ទាបតម្លៃនៃអ្វីដែលមានអត្ថន័យចំពោះបងប្អូន ។ …
… ខ្ញុំសូមអញ្ជើញបងប្អូនឲ្យកំណត់ចំណុចទីប្រាំបី ទីប្រាំបួន និងទីដប់ដោយខ្លួនឯង ។ សូមពិចារណាអំពីវិធីដែលបងប្អូនអាចចែកចាយនូវ « រឿងទាំងឡាយ » នៃដួងចិត្តរបស់បងប្អូនជាមួយអ្នកដទៃទៀត ហើយលើកទឹកចិត្តពួកគេឲ្យអធិស្ឋាន ពិចារណា និងស្វែងរកការណែនាំពីព្រះអម្ចាស់ ។