« សេចក្ដីសុខសាន្ដផ្ទាល់ខ្លួននៅក្នុងគ្រាលំបាក » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
សម័យប្រជុំព្រឹកថ្ងៃអាទិត្យ
សេចក្ដីសុខសាន្ដផ្ទាល់ខ្លួននៅក្នុងគ្រាលំបាក
ការដកស្រង់
គ្មានការសន្យា ឬធានាថា មានសេចក្ដីសុខសាន្ដក្នុងពិភពលោកនេះ រហូតដល់ការយាងមកជាលើកទីពីររបស់ព្រះយេស៊ូវគ្រីស្ទ ។ …
ទោះយ៉ាងណា សេចក្ដីសុខសាន្ដ ផ្ទាល់ខ្លួន អាចកើតមានឡើង ថ្វីបើមានកំហឹង ការទាស់ទែងគ្នា និងការបែងចែកគ្នា ដែលធ្វើឲ្យពិភពលោករបស់យើងសព្វថ្ងៃត្រូវអន្ដរាយ និងពុករលួយក្ដី ។ ការស្វែងរកសេចក្ដីសុខសាន្ដផ្ទាល់ខ្លួន ពុំដែលសំខាន់ខ្លាំងដូចពេលនេះទេ ។ …
ខណៈដែលយើងនៅតែបន្ដខិតខំធ្វើឲ្យមានសេចក្ដីសុខសាន្ដជាសាកល នោះយើងដឹងថា យើងអាចមានសេចក្ដីសុខសាន្ដផ្ទាល់ខ្លួនបាន ដូចដែលព្រះគ្រីស្ទបានបង្រៀន ។ គោលការណ៍នេះមាននៅក្នុងគម្ពីរគោលលទ្ធិ និង សេចក្ដីសញ្ញា ៖ « ប៉ុន្តែចូររៀនចុះថា អ្នកណាដែលប្រព្រឹត្តកិច្ចការទាំងឡាយដោយសេចក្ដីសុចរិត នោះនឹងបានទទួលរង្វាន់របស់ខ្លួន គឺសេចក្ដីសុខសាន្តនៅនាលោកិយនេះ និងជីវិតដ៏នៅអស់កល្បជានិច្ចនៅបរលោក » [ គោលលទ្ធិ និង សេចក្ដីសញ្ញា ៥៩:២៣ ] ។
តើ « កិច្ចការទាំងឡាយដោយសេចក្ដីសុចរិត » ណាខ្លះ ដែលនឹងជួយយើងឲ្យដោះស្រាយជម្លោះ និងកាត់បន្ថយការទាស់ទែងគ្នា ហើយរកឃើញសេចក្ដីសុខសាន្តនៅនាលោកិយនេះ ? ការបង្រៀនទាំងអស់របស់ព្រះគ្រីស្ទ ចង្អុលទៅកាន់ទិសដៅនេះ ។ ខ្ញុំនឹងលើកឡើងការបង្រៀនពីរបី ដែលខ្ញុំជឿថាមានសារៈសំខាន់ជាពិសេស ។
ទីមួយ ៖ ស្រឡាញ់ព្រះ រស់នៅតាមព្រះបញ្ញត្តិរបស់ទ្រង់ និងអភ័យទោសឲ្យមនុស្សគ្រប់គ្នា ។ …
ទីពីរ ៖ ស្វែងរកផលផ្លែនៃព្រះវិញ្ញាណ ។ …
ទីបី ៖ អនុវត្តសិទ្ធិជ្រើសរើសដើម្បីរើសយកសេចក្ដីសុចរិត ។ …
ទីបួន ៖ ស្ថាបនាទីក្រុងស៊ីយ៉ូននៅក្នុងដួងចិត្ត និងលំនៅដ្ឋានរបស់យើង ។ …
ទីប្រាំ ៖ ធ្វើតាមការព្រមានរបស់ព្យាការីយើងក្នុងពេលថ្មីៗនេះ ។ …
ខ្ញុំសូមថ្លែងទីបន្ទាល់ និងផ្ដល់សាក្សីផ្ទាល់ក្នុងនាមជាសាវកថា ព្រះយេស៊ូវគ្រីស្ទ ព្រះអង្គសង្គ្រោះ និងព្រះប្រោសលោះនៃពិភពលោកនេះ ដឹកនាំ និងណែនាំសាសនាចក្រដែលបានស្ដារឡើងវិញរបស់ទ្រង់ ។ ជីវិត និងបេសកកម្មដ៏ធួនរបស់ទ្រង់ គឺជាប្រភពដ៏ពិតនៃសេចក្ដីសុខសាន្ដ ។ ទ្រង់គឺជា « ម្ចាស់នៃមេត្រីភាព » ។