« ទុកចិត្តជាថ្មី » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
សម័យប្រជុំរសៀលថ្ងៃអាទិត្យ
ទុកចិត្តជាថ្មី
ការដកស្រង់
កូនប្រុសខ្ជះខ្ជាយទាំងពីរ ដោយ ចច ខូកូ
តើបងប្អូនធ្លាប់មានអារម្មណ៍ថា ដូចជាបងប្អូនកំពុងរត់ចោលផ្ទះដែរឬទេ ? ជាញឹកញាប់ ការរត់ចោលផ្ទះគឺមានន័យថា ការទុកចិត្តបានរសាយ ឬបាត់បង់—ជាការទុកចិត្តចំពោះខ្លួនឯង ចំពោះគ្នានឹងគ្នា និងចំពោះព្រះ ។ នៅពេលការទុកចិត្តក្លាយជារឿងផ្ទុយទៅវិញ យើងងឿងឆ្ងល់ថា តើត្រូវទុកចិត្តជាថ្មីដោយរបៀបណា ។
សារលិខិតរបស់ខ្ញុំនៅថ្ងៃនេះគឺថា ព្រះនឹងយាងមកជួបយើង ទោះជាយើងកំពុងមកផ្ទះ ឬកំពុងទៅផ្ទះក្ដី ។ យើងអាចរកឃើញសេចក្តីជំនឿ និងសេចក្តីក្លាហាន ប្រាជ្ញា និងការញែកដឹងនៅក្នុងទ្រង់ ដើម្បីទុកចិត្តជាថ្មី ។ ដូចគ្នានេះដែរ ទ្រង់បានសុំឲ្យយើងបំភ្លឺគ្នាទៅវិញទៅមក មានការអភ័យទោសឲ្យបានច្រើន និងកាត់បន្ថយការវិនិច្ឆ័យចំពោះខ្លួនឯង និងចំពោះគ្នា ដូច្នេះទើបសាសនាចក្ររបស់ទ្រង់អាចក្លាយជាកន្លែងមួយ ដែលយើងមានអារម្មណ៍ថាដូចជាផ្ទះ មិនថាយើងមកជាលើកទីមួយ ឬត្រឡប់មកវិញនោះទេ ។
ការទុកចិត្តគឺជាទង្វើនៃសេចក្ដីជំនឿ ។ …
យើងដឹងថា សេចក្ដីអំណរនៅលើផ្លូវនៃសេចក្ដីសញ្ញារបស់ព្រះអម្ចាស់ និងការហៅឲ្យបម្រើនៅក្នុងសាសនាចក្ររបស់ទ្រង់ គឺជាការអញ្ជើញមួយ ដើម្បីឲ្យទទួលអារម្មណ៍ពីការទុកព្រះទ័យ និងសេចក្ដីស្រឡាញ់របស់ព្រះចំពោះពួកយើង និងចំពោះគ្នាទៅវិញទៅមក ។ …
ការទុកចិត្តក្លាយជាការពិត នៅពេលយើងធ្វើកិច្ចការលំបាកដោយសេចក្តីជំនឿ ។ ការបម្រើ និងការលះបង់ បង្កើនសមត្ថភាព និងដុសខាត់ដួងចិត្ត ។ …
ខណៈដែលស្ថានភាពយើងម្នាក់ៗមានលក្ខណៈផ្ទាល់ខ្លួន នោះគោលការណ៍នៃដំណឹងល្អ និងព្រះវិញ្ញាណបរិសុទ្ធអាចជួយយើងឲ្យដឹងពីរបៀប និងពេលណាដែលយើងអាចទុកចិត្តលើអ្នកដទៃម្តងទៀតបាន ។ …
សូមទុកចិត្តទៅលើព្រះ និងអព្ភូតហេតុរបស់ទ្រង់ ។ រូបយើង និងទំនាក់ទំនងរបស់យើងអាចផ្លាស់ប្ដូរបាន ។ …
ដំណើរជីវិតយើងម្នាក់ៗមានលក្ខណៈបុគ្គល ប៉ុន្តែយើងអាចមករកព្រះម្តងទៀត ព្រះជាព្រះបិតារបស់ យើង និងព្រះរាជបុត្រាដ៏ស្ងួនភ្ញារបស់ទ្រង់ តាមរយៈការទុកចិត្តព្រះ ទុកចិត្តគ្នា និងទុកចិត្តលើខ្លួនឯង ។