“Sailia o Keriso i le Kerisimasi,” Liahona, Tes. 2022.
E Faafeiloai atu i Lenei Lomiga
Sailia o Keriso i le Kerisimasi
Faauta i le Tamai Mamoe a le Atua, saunia e Walter Rane
Tatou te fiafia i le vaitau o le Kerisimasi i lona faapogai mamalu. Ua faamanatu mai e Peresitene Russell M. Nelson ia i tatou e faapea “e tatau ona taulai atu la tatou taulaiga i le Faaola,” o lona soifua mai tatou te faamanatuina (“Mauaina o le Mana o Iesu Keriso i o Tatou Olaga,” Liahona, Me 2017, 41).
I lenei lomiga, o le savali a Peresitene Henry B. Eyring, “O le Mesia Folafolaina,” ua valaaulia ai i tatou uma ia maua Keriso i a tatou faamanatuga o le Kerisimasi: “I le lotolotoi o a tatou talifaaaliga, tatou te avatu ai le lotofaafetai i le Atua mo le meaalofa mamalu ‘e igoa foi o ia o le Silisiliese, o le Faipule, O Le Atua malosi, O Le Tama o le faavavau, O Le Alii o le Filemu’ (Isaia 9:6)” (tagai itulau 4).
O suesuega o le Feagaiga Tuai o lenei tausaga ua musuia ai foi i tatou e saili Keriso i mea uma tatou te faia. Ua tatou ta’ua faatusa o lo tatou Faaola mai le Feagaiga Tuai a o tatou vaavaai atu ma faalogo i mata ma taliga faaleagaga. O a ni faatusa matagofie o lo tatou Faaola ua e maua i au suesuega?
Matou te talitonu o le sailia o Keriso i a tatou agaifanua, tumasani, ma faafiafiaga o le Kerisimasi e fatuina ai molimau tumau ma manatuaga tumau. E fesoasoani tatou te maua ai le agaga atoa o le olioli ma le alofa e maua i le Kerisimasi. Matou te faamoemoe o malamalamaaga o le Kerisimasi tatou te faasoa atu i itulau 8–9 e mafai ona fesoasoani e sologa lelei ai lou taulai atu ia Iesu Keriso. Tau ina ia tatou sailia uma molimau o le Mesia folafolaina i vaaiga, leo, ma faafiafiaga o le Kerisimasi i lenei tausaga ma aso uma.
Manuia le Kerisimasi, uo pele!
Larry ma Lisa Laycock, Iuta, ISA