“E Faapefea ona Molimau Nei Faatusa ia Iesu Keriso?” Liahona, Tes. 2022.
Sau, Mulimuli Mai ia te A’u
Kerisimasi
E Faapefea ona Molimau Nei Faatusa ia Iesu Keriso?
E le gata o nei faatusa o Iesu Keriso na masani ai tagata o Ona aso, ae o loo molimau mai i Lana matafaioi i o tatou olaga i aso nei.
Ata na tusia e Andrew Beck
Gata Apamemea
“E pei ona sii i luga e Mose le gata i le vao, e faapea foi ona sii ae i luga o le Atalii o le tagata:
“Ina ia le fano se tasi e faatuatua ia te ia, a ia maua le ola e faavavau” (Ioane 3:14–15).
E faapefea e le vaai atu i le Faaola ona fesoasoani ia te oe e onosaia ai ou tofotofoga?
Manai
“Aua o le areto mai le Atua, o le mea ua alu ifo mai le lagi lea, ma au mai le ola i le lalolagi” (Ioane 6:33).
E pei o Isaraelu na aoina le manai i aso taitasi, e mafai faapefea e le “faapotopotoina” o afioga a le Alii i aso taitasi ona fafaga lou agaga?
Vai
“A o le vai ou te avatu ia te ia, e avea i totonu ia te ia o le vaipuna, e puna i luga i le ola e faavavau” (Ioane 4:14).
Pe a e tagofia le falaoa ma le vai o le faamanatuga, mafaufau pe faapefea e aoaoga ma le Togiola a Iesu ona fesoasoani ia i tatou e agavaa ai mo le ola e faavavau.
Tamai mamoe
“[Togiolaina] le toto taua o Keriso, pei o lo le tamai mamoe e le pona lava, e leai foi sona leaga” (1 Peteru 1:19).
O taulaga i manu i le Feagaiga Tuai sa faatusa i le taulaga a le Alii mo i tatou. O la tatou taulaga i aso nei o le tuuina atu lea ia te Ia “o le loto momomo ma le agaga salamo” (3 Nifae 9:20). O anafea na e lagonaina ai ua e ofoina atu lena taulaga?