Sau, Mulimuli Mai ia te A’u

Nauma; Sapakuka; Sefanaia

E Faapefea ona Tatou Faaalia lo Tatou Faalagolago i le Alii?

Na valoia e Nauma, Sapakuka, ma Sefanaia le faatafunaga matautia i o latou aso. Peitai, sa tuuina atu foi e nei perofeta ni valaaulia e faalagolago i le Alii, ma faamautinoa atu i e faatuatua, “O loo agalelei Ieova, o le olo ia i le aso o le puapuaga; o loo silafia e ia e o faatuatua ia te ia” (tagai Nauma 1:7) ma “o Ieova le Alii, o lo’u malosi ia” (Sapakuka 3:19).

Talanoaga

E faapefea ona faaali mai e le Alii ia i tatou e mafai ona tatou “faalagolago ia te ia”?

“E mafai ona tatou faatuatuaina le Atua i taimi uma. E sili atu le silafia ma le alofa o le Alii ia i tatou nai lo tatou iloaina po o le alolofa ia i tatou lava. O Lona alofa e le iu ma le malamalama atoatoa o le tuanai, taimi nei, ma le lumanai e osia ai Ana feagaiga ma folafolaga e le aunoa ma le mautinoa” (Gerrit W. Gong, “Toe Faalagolago,” Liahona, Nov. 2021, 98).

auai o le aiga i se auala faalavefau

Ata na tusia e Neil Webb

Gaoioiga: Auala Faalavefau

Fatu se auala faalavefau e faaaoga ai mea e pei o nofoa, meataalo, po o isi mea faitino o ia te oe. Fai atu i ni tagata se toalua o le aiga e malaga i le auala faalavefau, ma se tagata e toatasi o loo avea ma taiala ma se tagata e toatasi o loo avea ma se tagata e savali. Fusi mata o le tagata savali e faatusa i le pogisa i o tatou “aso o faigata” (Nauma 1:7).

O le taiala o le a uuina le lima o le tagata savali ma tautala atu faatonuga e fesoasoani ai i le tagata savali i le ala faalavefau.

E aunoa ma le laa i luga po o le taia i soo se mea po o soo se tasi, e tatau i le tagata savali ona savali i le ala, ma faatuatuaina le taiala.

I le faaiuga o le gaoioiga, e mafai e aiga ona faitau tusitusiga paia e uiga i le faalagolago i le Alii (tagai Faataoto 3:5–6; Mataio 14:29; 1 Nifae 3:7).