Sau, Mulimuli Mai ia te A’u

Malaki

Na Faapefea ona Faasino Atu Taulaga Anamua ia Iesu Keriso?

o se fatafaitaulaga o loo siomia e manu

Ata na tusia e Denis Freitas

Na lapatai mai Malaki e uiga i le ofoina atu o taulaga leaga i le Alii. Sa manaomia e le Alii “se taulaga lelei” (Malaki 1:11) ma o le a le faaleagaina Lana laoai (tagai Malaki 1:12).

E tatau ona lelei taulaga aua e “faasino atu i le ala ua tuuina mai ai e le Atua e toe avatu ai i tatou i Lona afioaga—o Iesu Keriso ma Lana Togiola.”¹ O le ofoina atu o soo se mea e itiiti ifo o se tauemuga lea o le atoatoa o Keriso ma Lana taulaga.

Mafaufau po o a mea e mafai ona aoao mai e nei ituaiga e fa o taulaga i le Feagaiga Tuai e uiga i le ala e o mai ai ia Keriso:

• Taulaga mu: O se manu atoa o loo ofoina atu e faatusa i le matafaioi e tuuina atu i le Atua (tagai Levitiko 1).

• Taulaga i aano o manufasi po o meaai: O se taulaga e leai se toto o sana, uaina, ma mea manogi e aofia ai le taulaga o le filemu ma taulaga mu uma (tagai Levitiko 2).

• Taulaga o le filemu: O se taulaga i manu na faia e se tasi i le filemu ma le Atua e saili le filemu atili (tagai Levitiko 3).

• Taulaga mo le agasala: O se taulaga i manu e togiola ai se agasala ma maua ai le mafutaga ma Ieova (tagai Levitiko 4 ma le 5).

O le Togiola a le Faaola ua faailogaina ai le iuga o nei taulaga. Peitai, e tatau i tagata o le Ekalesia a le Alii ona naunau e ositaulagaina mea uma mo le Alii. O faapefea ona tatou tausia le tulafono o le taulaga i ona po nei? (Tagai 3 Nifae 9:19–20.)

Faamatalaga

1. Sau, Mulimuli Mai ia te A’u—Mo Tagata Taitoatasi ma Aiga: Feagaiga Tuai 2022, 80.