Sau, Mulimuli Mai ia te A’u

Hakai; Sakaria

E Faapefea ona Faapaiaina i Tatou e le Alii?

Ata o Keriso, saunia e Heinrich Hofmann

I le Sakaria 3:3–7, o loo faamatala ai e Sakaria se faaaliga ia Iosua le faitaulaga sili. I le faaaliga, na aveese ai e se agelu lavalava palapala o Iosua ma suia i ofu mama. E faapena foi, afai tatou te salamo, e mafai e Iesu Keriso ona aveesea a tatou agasala. E faamagaloina i tatou ma e mafai ona tatou paia atili.

O le a se mea e mafai ona e aoaoina e uiga i le natura o le paia mai nei mau e uiga i lavalava?

Laei Papae o se Faatusa o le Mama A’ia’i

• Tanielu 7:9

• Faaaliga 3:5; 7:9

• Alema 5:27

Ofutalaloa o le Amiotonu

• Isaia 61:10

• 2 Nifae 4:33; 9:14

Siona e Ofu i Ofu Matagofie

• Isaia 52:1

• Mataupu Faavae ma Feagaiga 82:14

Ofu ua Faamamaina

• 2 Korinito 7:1

• Alema 5:21; 7:25

• Eteru 12:37

Ua aoao mai tusitusiga paia ia i tatou e faapea, faatasi ma isi mea, e mafai ona faapaiaina i tatou pe sili atu ona paia pe a tatou faatinoina le faatuatua ia Keriso, faaalia lo tatou usiusitai, salamo, ositaulaga mo Ia, mauaina o sauniga paia, ma le tausia o a tatou feagaiga ma Ia. O le agavaa mo le meaalofa o le paia e manaomia ai le lotomaualalo, agamalu, ma le onosai.”

Peresitene Henry B. Eyring, Fesoasoani Muamua i le Au Peresitene Sili, “O Le Paia ma le Fuafuaga o le Fiafia,” Liahona, Nov. 2019, 100-101.

Talanoaga

O a ni auala ua faapaia atili ai oe e Iesu Keriso? O le a se mea e mafai ona e faia ina ia maua ai Lana meaalofa o le paia?