Elder Christophe G. Giraud-Carrier

Fitugafulu o le Pulega Aoao

I le ulufale atu ai i le avea ma tagata matua, sa i ai ni fuafuaga maoae a Elder Christophe G. Giraud-Carrier—amata se ala faigata o le kolisi, maua se tolopo faaleaoaoga ina ia auauna atu i se misiona talai, faaipoipo i lana manamea talavou, ona amata lea o le olaga faaleaiga ma lana galuega o se enisinia i lona atunuu moni o Farani.

A o faia le misiona ma le faaipoipoga e pei ona fuafuaina, sa le’i i ai nisi faamoemoega. E lei tupu le tolopo, ae sa i ai se siitaga i le Iunivesite o Brigham Young (BYU), sosoo ai ma se manao e faiaoga i le iunivesite. Sa tau leai ni galuega a le Iunivesite i Farani mo se tasi na aoaoina i fafo atu o le atunuu, o lea o le tausia o se aiga, i le i ai o se isi matata, ma o le auauna atu i le Ekalesia na oo mai i atunuu eseese ma i le taimi faatulagaina a le Alii.

“O le mea moni e faapea, e itiiti lava ni mea na tutupu i le ala na ma fuafuaina na mafai ai ona ma iloa ai, afai ma te faatagaina le Alii e faia Lana mea ma ave i ma’ua i nofoaga, o le mea lena e finagalo o Ia ma te i ai ma o iina e mafai ona ma auauna atu ai,” o le saunoaga lea a Elder Giraud-Carrier. “Ua fesoasoani lena ia i ma’ua e aoao ai e faalagolago ia te Ia, ia talitonu e mafai ona Ia faia o ma’ua olaga ia sili atu nai lo le mea semanu ma te mafaia.”

Sa soifua mai Christophe Gérard Giraud-Carrier i le aso 21 o Ianuari, 1966, i Lyon, Farani, ia Gérard Giraud-Carrier ma Annie Giraud-Carrier. Ina ua maea lana auaunaga faafaifeautalai faamisiona i le Misiona a Kanata Montreal, sa ia faaipoipo atu ia Isapela Sofia Mauclair ia Iulai 1988 i Cholet, Farani. Sa faamauina i la’ua i le aso 14 o Aokuso, 1984, i le Malumalu o Bern Suisilani. O i la’ua o matua o se fanau e toavalu.

Ina ua uma ona maua faailoga o le tagata malaga, matuaofaiva, ma le tofamanino i saienisi faakomepiuta mai le BYU, sa faigaluega Elder Giraud-Carrier o se faiaoga sinia mo le Iunivesite o Bristol a Egelani ma se pule sinia mo le ELCA Informatique a Suitiselani a o lei faaaluina le 19 tausaga e avea o se polofesa o saienisi faakomepiuta i le BYU.

I le taimi o lona valaauga o se Fitugafulu o le Pulega Aoao, a o auauna atu Elder Giraud-Carrier o se peresitene o le siteki o le Siteki o Provo Utah YSA 16th O valaauga talu ai i le Ekalesia e aofia ai le auauna atu o se peresitene o le Misiona a Farani Lyon, fautua maualuga, ma le epikopo.