“Ena rawa Vakacava Meu Vakabauta keu sega ni Raica?” Liaona, Jiulai 2023.
Lako mai, Mo Muri Au
Ena rawa Vakacava Meu Vakadinata keu sega ni Raica?
Droini mai na Rairai na Karisito vei iratou na Le Tinikarua ni oti na Tucaketale [Christ Appears to the Twelve after the Resurrection], mai vei Scott Snow
Ko Tomasi, ka dua vei ira na iApositolo i Jisu Karisito, a sega ni via vakabauta ni sa tucake tale na Karisito me yacova ni sa raici Koya vakayago (raica na Joni 20:25). Ni sa qai raica o Tomasi na iVakabula sa tucaketale, na iVakabula a qai kaya vua, “Ni ko sa raici au, ko sa vakadinata: sa kalougata ko ira era sa sega ni raica, ka ra sa vakadinata” (Joni 20:29).
Eda na muria vakacava na veisureti i Jisu Karisito meda “kakua ni vakatitiqa, mo vakadinata ga”? (Joni 20:27).
Na Sala Eso me Vaqaqacotaki kina na Vakabauta kei na iVakadinadina
Vulica na ivolanikalou. “Sa rawa na vakabauta ena vakarorogo, kei na vakarorogo ena vosa i Karisito” (Roma 10:17).
Bulataka na kosipeli. “Kevaka e dua na tamata sa via cakava na lomai koya, ena kila se sa ka mai vua na Kalou nai ivakavuvuli, seu vosa vakaiau ga” (Joni 7:17).
Vakasaqara na ivakatakila maivua na Yalo Tabu. “Na dina bibi duadua ena vakadeitaki duadua ga ena ivakatakila mai vua na Kalou. Na noda nanuma vakatamata kei na vakayagataki ni wakilakila vakayago ena sega ni veirauti” (Henry B. Eyring, “Na Yalo Tabu me Nomu iTokani,” Liaona, Nove. 2015, 104).