Lako Mai, Mo Muri Au

Cakacaka 2

O na Bulataka Vakacava na iVunau i Karisito?

Droini mai vei Vicky Stott

Ni oti na sovaraki ni Yalotabu ena siga ni Penitiko, eratou a vakadinadinataki Karisito o Pita kei iratou na vo ni iApositolo ka vakatavulica na Nona ivunau. A sa “laucoka na yalodra” na tamata ka ra taroga, “A cava me keimammi cakava?” (Cakacaka 2:37). E a sureti ira o Pita me ra veivutuni, papitaisotaki, ka ciqoma na isolisoli ni Yalo Tabu (raica na Cakacaka 2:38). E rauta ni 3,000 na tamata era a “vakabauta nona vosa ena marau [ka] papitaisotaki” (Cakacaka 2:41).

Na bulataki ni ivunau i Karisito ena kauti keda vakavoleka Vua. Vakananuma mada na sala o na vakayagataka kina na lima na iwasewase ni ivunau oqo:

1. Vakabauta na Turaga o Jisu Karisito: Na itovo kei na itaviqaravi cava soti ena veivuke me tokona cake na nomu vakabauti Jisu Karisito?

2. Veivutuni: O na cakava vakacava na veivutuni me dua na cakacaka rekitaki?

3. Papitaiso: Na cava o sa cakava tiko mo bulataka kina na nomu veiyalayalati ni papitaiso?

4. iSolisoli ni Yalo Tabu: Na ituvaki kei na itaviqaravi cava so e solia vei iko na sala vinaka duadua mo rawata kina na veivakauqeti ni Yalotabu?

5. Vosota Me Yacova na iVakataotioti: E sa vukei iko vakacava na nomu maroroya na nomu veiyalayalati, na vakanuinui vei Karisito, ka taura matua tiko na itautauri kaukamea mo vosota kina na veivakatovolei dredre? Raica na Jeremaia 17:7; 2 Nifai 31:20; Ica 12:4.

“Na ivunau i Karisito e vakatarai keda meda rawata na kaukauwa vakayalo ka na laveti keda mai na keda ituvaki vakayalo oqo ki na dua na ituvaki eda na rawa ni vinaka sara kina me vakataka na iVakabula.”

Baraca Brian K. Ashton, iKarua ni Daunivakasala e liu ena Mataveiliutaki Raraba ni Matawilivola ni Sigatabu, “Na iVunau i Karisito,” Liaona, Nove. 2016, 106.