Lako mai, Mo Muri Au

Cakacaka 11

Na Cava Na Kena iBalebale mo Tamata Lotu Vakaristo?

Vakavulici ira tiko Nona Tisaipeli o Karisito [Christ Teaching His Disciples], koronivuli Vakavalagi e nai ka 19 ni Senitiuri, © Raica ka Vulica / Bridgeman Images

Ena ivola ni Cakacaka eda vulica kina ni o ira na tisaipeli era a muri Karisito ena Lotu taumada era a “vakatokai me ra lotu Vakarisito” (Cakacaka 11:26). Sa vakakina, vei ira na lewena Na Lotu i Jisu Karisito ni Yalododonu Edaidai era segata me ra lotu Vakarisito vinaka. Na cava na kena ibalebale mo tamata lotu Vakarisito?

E sega ni kena tukuni ga na ka eda vakabauta. Na bula Vakarisito e vinakati me uasivi cake mai na sokalou ka yacana walega. E taroga o Robert D. Hales (1932–2017) ena Kuoramu ni iApositolo Le Tinikarua: “Eda mataqali tamata lotu Vakarisito vakacava o keda? Se eda rawa ni kaya, sa vakaevei tiko beka na noda sasaga meda muri Karisito?”¹

iVakarau Vakarisito

E vakayaloqaqataki keda o Elder Hales me da vakadikeva na noda toso ena kena tarai cake na ivakarau Vakarisito eso oqo:²

• Loloma

• Vakabauta

• Solibula

• Veikauwaitaki

• Veiqaravi

• Yalovosota

• Vakacegu

• Veivosoti

• Saumaki

• Vosota ki na ivakataotioti

Veivosaki

E vakavuvulitaka o Peresitedi Russell M. Nelson ni dua vei ira na keda ivakatakilakila bibi duadua oya ni da “tisaipeli i Jisu Karisito.”³ Era na kila vakacava na tamata ni ko lotu Vakarisito, se o tisaipeli i Jisu Karisito?

iDusidusi

1. Robert D. Hales, “Mo Lotu Vakarisito sa Vakarisito Dina,” Liaona, Nove. 2012, 90.

2. Raica na Robert D. Hales, “Mo Lotu Vakarisito sa Vakarisito Dina,” 91–92.

3. Russell M. Nelson, “Choices for Eternity” (lotu ni itabagone qase cake, 15 ni Me, 2022), broadcasts.ChurchofJesusChrist.org.