Eja, Më Ndiq

Veprat e Apostujve 11

Çfarë do të Thotë të Jesh i Krishterë?

Jezusi duke u dhënë mësim njerëzve

Christ Teaching His Disciples [Krishti duke u Dhënë Mësim Dishepujve të Tij], 19th-Century English School, © Look and Learn / Bridgeman Images

Në librin Veprat e Apostujve, ne mësojmë se dishepujt që e ndoqën Krishtin në Kishën e hershme, “u quajtën të Krishterë” (Veprat e Apostujve 11:26). Po ashtu, anëtarët e Kishës së Jezu Krishtit të Shenjtorëve të Ditëve të Mëvonshme përpiqen të jenë të krishterë të mirë. Por çfarë do të thotë të jesh i krishterë?

Ajo nuk është një deklarim i thjeshtë i besimit. Të qenit i krishterë kërkon më shumë sesa përkushtim vetëm me emër. Plaku Robert D. Hejls (1932–2017), i Kuorumit të Dymbëdhjetë Apostujve, pyeti: “Çfarë lloj të krishterësh jemi? Me fjalë të tjera, si po ecim në udhëtimin tonë për të ndjekur Krishtin?”¹

Cilësi si të Krishtit

Plaku Hejls na nxiti ta vlerësojmë përparimin tonë në zhvillimin e cilësive në vijim si të Krishtit:²

• Dashuria

• Besimi

• Sakrifica

• Kujdesi

• Shërbimi

• Durimi

• Paqja

• Falja

• Kthimi në besim

• Durimi deri në fund

Diskutim

Presidenti Rasëll M. Nelson ka dhënë mësim se një nga identitetet tona më të rëndësishme është ai i “dishepullit të Jezu Krishtit”³. Nga e dinë njerëzit që ju jeni i krishterë ose një dishepull i Jezu Krishtit?

Shënime

1. Robert D. Hejls, “Të Qenit më Shumë i Krishterë si Krishti”, Liahona, nëntor 2012, f. 90.

2. Shih Robert D. Hejls, “Të Qenit më Shumë i Krishterë si Krishti”, f. 92.

3. Rasëll M. Nelson, “Zgjedhjet për Përjetësinë” (takim shpirtëror mbarëbotëror për të rinjtë e të rejat në moshë madhore, 15 maj 2022), broadcasts.ChurchofJesusChrist.org.