Eja, Më Ndiq

Veprat e Apostujve 2

Si Jetoni sipas Doktrinës së Krishtit?

shteg që ilustron pesë fusha doktrinore

Ilustrimi nga Vicky Scott

Pas derdhjes së Shpirtit ditën e Rrëshajëve, Pjetri dhe Apostujt e tjerë dëshmuan për Krishtin dhe e dhanë mësim doktrinën e Tij. Njerëzit “u pikëlluan në zemër” dhe pyetën: “Ç’duhet të bëjmë?” (Veprat e Apostujve 2:37.) Pjetri i ftoi ata të pendoheshin, të pagëzoheshin dhe të merrnin Frymën e Shenjtë (shih te Veprat e Apostujve 2:38). Rreth 3 000 njerëz “e pranuan fjalën e tij me gëzim [dhe] u pagëzuan” (Veprat e Apostujve 2:41).

Zbatimi i doktrinës së Krishtit na sjell më pranë Tij. Merreni parasysh të reflektoni se si i zbatoni këto pesë fusha doktrinore.

1. Besimi te Zoti Jezu Krisht: Çfarë zakonesh dhe veprimtarish ndihmojnë që ta ushqeni besimin tuaj te Jezu Krishti?

2. Pendimi: Si e bëni pendimin një proces të gëzueshëm?

3. Pagëzimi: Çfarë po bëni për ta jetuar besëlidhjen tuaj të pagëzimit?

4. Dhurata e Frymës së Shenjtë: Çfarë mjedisesh dhe veprimtarish ju japin qasje më të mirë te nxitjet e Shpirtit?

5. Durimi deri në fund: Si ju ka ndihmuar mbajtja e besëlidhjeve tuaja, pasja e shpresës në Krisht dhe mbajtja me vendosmëri te shufra e hekurit për t’i duruar sprovat e vështira? Shih te Jeremia 17:7; 2 Nefi 31:20; Ethëri 2:4.

“Është doktrina e Krishtit që na lejon të kemi mundësinë ta marrim fuqinë shpirtërore që do të na ngrejë nga gjendja jonë e tanishme shpirtërore në një gjendje në të cilën ne mund të bëhemi të përsosur sikurse Shpëtimtari.”

Vëllai Brajën K. Ashton, ish‑Këshilltar i Dytë në Presidencën e Përgjithshme të Shkollës të së Dielës, “Doktrina e Krishtit”, Liahona, nëntor 2016, f. 106.