BWEBWENATO KO AN IJO JOKWE IE
M̧ōkade Volleyball eo kar Tōpar Utiej Kāāl Kar Likut Ikkure eo Rājet n̄an Jipan̄ Ro jet Rikkure in
All-American “em̧m̧an ippān” armij in New Zealand
Mijenede in ekar jejjōt ilo aolep men—ej ekkōņak jōōt mouj im tae, pojak ippān jeje ko rekwojarjar, im ewōr an tōmak ilo Anij. Bōtaab juon men ej kōm̧m̧an an Elder Gavin Chambers alikkar jān ro jet.
Chambers ej juon 206 centimetre (6-ne 9-injej) rikkure volleyball in all-american! Jān Corona, California, ekar jeniji nuknuk in volleyball ko an n̄an aolep juon mijenede eo ej jerbal aolep raan.
Elders Chambers ekar jerbal ilo eria eo an Papatoetoe ilo New Zealand Auckland Mission, ijo ekar jino katakin juon m̧ōttan mijenede edik, Elder Bryce Jacobson “Ij lukkuun reilo̧k n̄an Elder Chambers,” Elder Jacobson ekar ba, alikkar an kile bwe ej juon m̧ōttan eo eutiejļo̧k. Bōtaab ilo aetokan, reilōn̄ļo̧k n̄an Elder Chambers ej juon men eminene kake.
E kar baj wōt aetok. “Jen iien eo ej 13 ekar de tōpar 182 cm (jiljino ne). Bōtaab lukkuun eddōk eo aō kar jab ijjino m̧ae iiō eo n̄aij kilaaj jon̄oul ilo high school.” Ekar tōpar jem̧ļo̧k in aetokan ke ej kūlaaj jon̄oulruo, im, ekkā ajri ro raetok, ekar ļōmņak enaaj juon ribasketball. Ejjab men eo in.
“Ejjab em̧m̧an ippa basketball,” ekar ba. “Ajri ro jet im coach ro aolep iien rej āinwōt kajirere kake eō, jiron̄ eō bwe ijaje kelōn̄ļo̧k.”
Jinen ekar unlo̧k e, ijelo̧kin, n̄an kajjieon̄ e juon league ilo ijo jikier n̄an volleyball team. “Ijanin kar lukkuun limo ilo jabdewōt ikkure m̧okta, Chambers ekar ba. “Ikar ko̧o̧jōk! Jekdoon n̄e ijjab lukkuun kar jeļā, ikar ro̧o̧l n̄an m̧weo im jiron̄ m̧ama ke volleyball ej ikkure eo n̄an n̄a!”
Club in coach eo em̧m̧an ekar jipan̄ e lo ijo koņaan lo ikkure eo, im kōnke kōn aetokan, rekar kōm̧m̧an bwe en ribūļak ioļap. Āliktata, eddo eo “kōn aetokan” ekkar jino ņa wōņāān. Ālkin juon season in club volleyball eo, ekar kijerjer n̄an kobaļo̧k ilo tiim eo an high school eo an im etale jeļā eo an ekāāl. Bōtaab jorāān ekar waļo̧k ilo kōmālmel eo an jinointata.
“Ikar kelōn̄ļo̧k im erļo̧ke n̄a make n̄an kajjieon̄ kabar e ball eo, im ke ij walaļtak ikar jok ioon neen juon iaan ļōmaro ilo jait eo rājet in ok eo im būlake neō,” Chambers ekar keememejļo̧k. “Iaar aikujin kōņake juon boot aolep jikin ļo̧k ālkin menin im ikar jab ikkure ilo season in freshman eo aō.”
“Ekar kakūtōtō n̄an kōm̧m̧an em̧m̧anļo̧k ilo ikkure in ekāāl elukkuun em̧m̧an ippa, innām luuj aolepen season eo.”
Bōtaab jen menkwaraar in likjab eo ekar walōn̄tak “phoenix” in juon all-star tijemļo̧k. Ilo iiō ko tok jilu Chambers ekar erom̧ juon ri jumae eo mijak e ilo jikin ikkure eo, boktok ikdeelel an team in volleyball ko an college ilo aolepen US. Ekar kejool scholarships ko jān jikuuļ ro relļap—Stanford im UCLA ilubwilijier—n̄an bōk ta eo ekar lukkuun kōnan: n̄an ikkure n̄an Brigham Young University ilo Provo Utah (USA) eo kar pād ilo laajrak in ikkure.
Jerbal in jodikdik eo an Chambers ekar eddōkļo̧k ilo summer in 2022, kōn an kar wini Orange Coast Volleyball Club ilo diklok jān 18 national club volleyball championship. Kar ņaetan Chambers first-team-all-American jān American Volleyall Coaches Association. Ajri ro “ejaje kelōn̄ļo̧k,” ekar kariab aolep armej ro rekar ba eban.
“Ālkin jiāe eo . . . ikar bōk jejjo̧ wiik im āinwōt bōk aō iien ilo m̧ōņōņō eo an aolepen—ikar kōņak medal gold eo aō . . . im m̧ōņōņō ilo aer kile eō,” Chambers ekar ba. “Bōtaab ikar jeļā bwe ekar iien wōnm̧anļo̧k ilo mour eo aō.”
Menin ekar meļeļein bōk kūr eo an n̄an jerbal in mijenede n̄an Kabun̄ eo an Jisōs Kraist im Armej ro Rekwojarjar ilo Raan Ko Āliktata. Kōn bun̄bun̄ in an ekāāl, juon emaron̄ ļōmņak bwe ekar pen n̄an etal jān volleyball, bōtaab Chambers ekar kōm̧m̧ane kāālet eo an ke ej 12-iiō-drettan. Ekar kōņaan jerbal n̄an Irooj ilo an karuwaineneik ro jet n̄an itok n̄an Kraist. Etal n̄an juon mijen ekar men eo ejim̧we n̄an kōm̧m̧ane.
“Em̧ool, ekar pen kabōjrak volleyball . . . bōtaab ikar jar kōn kāālet in, im ikar en̄jake kajoor bwe karōk eo an Jemedwōj Ilan̄ in bwe in jerbale juon mijen ālkin wōt high school.
Ekar ba kāālet ilo jinoin mour eo an ekar kapidodoik ļo̧k m̧adm̧ōde aolepen men ko jet me ren kar kein kabōjrak n̄an jerbal in mijenede. “Kwokōnan lale bwe kwon jar kōn kāālet eo, barāinwōt, kōnke emaron̄ wōr am̧ ļōmņak kōn ta eo kwoj kōnan kōm̧m̧ane ilo mour eo am̧, bōtaab karōk eo am̧ im eo an Jemedwōj Ilan̄ n̄an eok emaron̄ oktak.”
Kōnke kōn jerbal in visa n̄an New Zealand, Chambers ekar ijjino jerbal in mijen eo an ilo West Virginia Charleston Mission. Ijo, ekar lo armej ro ilo en̄taan in economic, bōtaab Chambers ekar lo aer ettā, kapukōt wōt tōl ko an jetōb ilo mour ko aer.
Gospel eo an Jisōs Kraist ej uwaak eo.
Jekjek eo ilo New Zealand ekar oktak, bōtaab armej ro ijo rekar bar kappukōt uwaak ko an mour ko aer. “Kōmij m̧ōttā aolep jikin kōmij etal ie ļo̧k, kōnaan ippān armej im kwaļo̧k Karōk eo an Anij n̄an M̧ōņōņō ippāer,” ekar wōnm̧anļo̧k wōt. “Jerbal in epen, im ewōr rej kejool kōm . . . bōtaab ewōr am tōmak eļap bwe kōm naaj lo armej ro kōmij kappukōt er n̄an oktak ilo jetōb ilo mour ko aer,” ekar ba. “IIen eo repojak n̄an ron̄jake kōm naaj pād ijo, n̄an uwaaki kajjitōk ko aer im jipan̄ er kōn ta remaron̄ kōmmani.”
“Ke ij reilikļo̧k kiiō imaron̄ loe ekōjkan an Irooj kar uwaake jar ko aō, im jipan̄ eō tōpar iien eo ejejjōttata n̄an jerbal,” Elder Chambers ekar ba. “N̄an kōm̧m̧ane men ko ilo wāween eo an Irooj, Iar maron̄ bōk juon mennin letok n̄an ikkure ilo juon college me enaaj kar kōtļo̧k bwe in jerbale juon mijen, im mour ilo kōttōpar eo n̄an volleyball ālkin wōt.”