BWEBWENATO KO AN IJO JOKWE IE
Kape ko Jinointata Rejeja ilo ‘Ka Buke a Moramona’ kar Loi
Rikakwōn ej kappukōt n̄an kwaļo̧ki tok kape in Bok in Mormon ilo kajin eo an RiHawaii.
Ke Brooks Haderlie ekar jerbal āinwōt juon University Archivist ilo BYU-Hawaii, ekar ekkatak kōn jeja eo an Bok in Mormon ilo kajin eo an Ri Hawaii, “Ka Buke a Moramona.”
Ekar ļōmņak emaron̄ kar wōr tokjen n̄an jeļā jete kape rej pād wōt, eļan̄n̄e n̄an kautiej kijejeto an ro rekar jerbale kijejeto ko n̄an kōm̧m̧an bwe Bok in Mormon en pād n̄an ro aer kajin eo ilo Hawaii ilo kōtaan-1800 ko.
M̧okta jān kar jerbal āinwōt juon mijenede an Bwebwenatoon Kabun̄ in ilo Australia, Elder Haderlie im kōrā pāleen, Sister Laurie Haderlie, kar jerbal n̄an ļo̧o̧ki aolep kape ko an edition ko kajjojo an Ka Buke a Moramona, eļaptata edition eo jinointata ilo 1855.
Ilo 1820, mijenede ro an Protestant rekar jerbal n̄an ejaake juon jeje in leta ko ilo kajin an Ri Hawaii. Menin ekar kōm̧m̧an bwe Baibōļ eo en ukook im kar būrin ilo kajin Hawaii ilo 1838.
Ilo kōtaan-1800 ko, Elder George Q. Cannon ekar eo m̧oktata n̄an ukōt Bok in Mormon ilo kajin Hawaii kōn jipan̄ eo an ro lukkuun RiHawaii Jonatahan Nāpela im J. W. H. Kauwahi. Bukwi wōt kape ko rekar pād m̧okta jān bwe in peij ko kar būrin i me rekar kakuri ilo juon kijeek.
Kōn jako eo an peij kein, kape ko jet jab maron̄ tōprak—im kar kōm̧m̧an bwe edition eo jinointata an Bok in Mormon eo ilo kajin Hawaii en lukkuun jeja. Ekar pād ilo laajrak in bok ko reļļap wōņaer an Armej ro Rekwojarjar ilo Raan ko Āliktata im watōke ke eaorōk ļo̧k jān 1830 edition eo an kape in bok eo ilo kajin English.
Ilo 2021, jinointata, ro rej kajin Hawaii rekar āliktata maron̄ deļo̧n̄e likio in LDS Scripture ko ilo Gospel Library, ilo juon jikin online n̄an jeje ko rekwojarjar im ekkatak gospel.
Rainin, 22 wōt kape in 1855 LDS edition eo jinointata Ka Buke a Moramon rej pād ilo jon̄ouļalem library ko.
“Meļeļein eaorōk n̄an ro jet ilo Pacific,” Elder Haderlie ekar ba, “kōnke version in Bok in Mormon eo ilo kajin Hawaii ekar kein kaļalem kajin ko me kar ukook jān kajin English, im kar kajin eo jinointata me ejjab kajin Europe. N̄an alooje eddōkļo̧k eo in ukook in kajin Hawaii emaron̄ kōm̧m̧an bwe Pacific Islander ro jet ren kam̧oolol kōn ukook ko tokālik ilo kajin ko aer make, im bōlen emaron̄ kadeel er n̄an lale ļo̧k ekōjkan an ukook kein kar ejaak bwe armej ro ren maron̄ katak ilo kajin ko aer make.”
Ekar kakobaba, “Ro rekar lale 1855 edition eo an Bok in Mormon ilo kajin Hawaii Laie Hawaii Temple Visitors’ Center remaron̄ m̧ōņōņō kōn an juon mennin aorōk.”