“Ang Simbahan mahitungod sa Pagtabang sa Tanang Anak sa Dios,” Liahona, Peb. 2024.
Welcome Niini nga Isyu
Ang Simbahan mahitungod sa Pagtabang sa Tanang Anak sa Dios
Gikan sa bukiron nga mga isla sa Vanuatu ngadto sa nindot nga mga kabungtoran sa Belgium, ang 17 ka milyon nga mga miyembro sa Ang Simbahan ni Jesukristo sa mga Santos sa Ulahing mga Adlaw makita diha sa 31,000 ka mga ward ug mga branch sa tibuok kalibotan.
Ang pagsuporta sa usa ka tibuok kalibotan nga simbahan usa ka hilabihan kadako nga paningkamot nga naglakip sa pagdumala sa ikapulo ug mga halad sa puasa, pagtukod ug pagmentinar sa mga meetinghouse ug mga templo, ug paghimo ug pag-apod-apod sa mga kapanguhaan sa ebanghelyo sama sa mga kasulatan ug mga hymnbook.
Kini mao ang pipila sa daghang responsibilidad sa Tigdumalang Bishopric, kinsa nagtrabaho ubos sa direksiyon sa Unang Kapangulohan sa pagdumala sa temporal nga mga kalihokan, o pisikal nga mga aspeto, sa Simbahan.
Wala kaayo koy nahibaloan mahitungod sa Tigdumalang Bishopric sa wala pa nagsulat og usa ka serye alang sa Church News mahitungod sa temporal nga mga kalihokan sa Simbahan. Wala lang ko nahibalo mahitungod sa papel ug katuyoan sa Tigdumalang Bishopric sa Simbahan, apan akong nadiskrobehan kon sa unsang paagi ang ilang buhat makatabang kanato diha sa atong kaugalingon nga mga kinabuhi ug mga calling (tan-awa sa pahina 12).
Usa ka baroganan nga akong nakat-onan mao nga ang Simbahan mahitungod sa mga tawo—gikan sa Vanuatu ngadto sa Belgium ug sa tanan diha sa taliwala. Kini mahitungod sa pagtabang sa tanang anak sa Dios nga mopili nga mopauli ngadto Kaniya ug makadawat sa mga panalangin sa Pag-ula sa Manluluwas. Sama sa gitudlo ni Elder D. Todd Christofferson niini nga isyu, “Ang malahutayon nga kalipay moabot pinaagi sa paglahutay diha sa ebanghelyo ni Jesukristo ug sa pagtabang sa uban sa pagbuhat sa ingon” (pahina 4).
Manghinaot ko nga kini nga kamatuoran mahimong usa ka reyalidad alang sa matag usa kanato.
Matinuoron,
Sydney Walker
Mga Balita sa Simbahan [Church News]
“Sila mipadayon sa ilang agianan paingon sa unahan, nga sa kanunay naggunit sa gunitanan nga puthaw, hangtod nga sila miabot ug natumba ug mikaon sa bunga sa kahoy.”
The Love of God [Ang Gugma sa Dios], ni Sabrina Squires