Dali, Sunod Kanako

2 Nephi 1–2

Ngano nga Gikinahanglan nga Adunay Oposisyon diha sa Plano sa Dios?

Diha sa 2 Nephi 2, si Lehi nagtudlo mahitungod sa kabubut-on ug sa atong oportunidad sa pagpili og hingpit nga kalipay ug kinabuhing dayon. Apan dili kita makahimo niana nga pagpili kon walay oposisyon. Si Lehi mipasabot nga kon walay oposisyon, “ang pagkamatarong dili gayod mapahinabo” (bersikulo 11).

Tan-awa ang 2 Nephi 2:11–13 aron masulatan ang mosunod nga tsart:

Kon kita walay …	Nan kita walay …
Kamatayon
Sala
Pagkadunot
Pagkadaotan
Silot
Pagkauyamot

“Tanan kita makasinati og nagkadaiyang matang sa oposisyon aron kita masulayan. Ang uban niini mao ang mga tentasyon sa pagpakasala. Ang uban mortal nga mga hagit gawas sa personal nga sala. Ang uban bug-at kaayo. Ang uban gaan ra. Ang uban walay hunong, ug ang uban mga yugto lang. Walay usa nato nga makalikay. Ang oposisyon magtugot kanato sa pagtubo sa unsay gusto sa atong Langitnong Amahan nga atong makab-ot.”

Presidente Dallin H. Oaks, Unang Magtatambag sa Unang Kapangulohan, “Oposisyon sa Tanang mga Butang,” Liahona, Mayo 2016, 116.

Panaghisgotan

Ang oposisyon nagpasabot nga kita mag-atubang og mga hagit, apan kini usab nagpasabot nga kita makapangita og pipila ka kaayohan diha sa atong mga pagsulay. Unsa nga kaayohan ang inyong makaplagan diha sa kapakyasan, kapildihan, pinansiyal nga kaugtas, o ubang mga hagit?